ពន្លឺក្នុងទីងងឹត
ដឹកនាំផលិតដោយលោក ជី រ៉ាឌី ឆ្នាំ២០២៣ រយៈពេល១០:១២នាទី និយាយភាសាជនជាតិដើមភាគតិចចារ៉ាយ មានអក្សរខ្មែរនិងអក្សរអង់គ្លេសរត់ពីក្រោម។
បើទោះជាពិការភ្នែកក្ដី ក៏លោកយាយ រម៉ាស់ ពោរ មិនឱ្យភាពងងឹតមកគ្របដណ្តប់លើជីវិតគាត់បានឡើយ។ ក្នុងវ័យ៦៣ឆ្នាំ លោកយាយជាស្រី្ដជនជាតិដើមភាគតិចចារ៉ាយរស់នៅភូមិតេនង៉ល ខេត្តរតនគិរី។ គាត់រកចំណូលចិញ្ចឹមជីវិតបានដោយសារជំនាញចាប់សរសៃ។ យ៉ាងណាមិញមុខរបរចាប់សរសៃនេះ មិនមែនជាមុខរបរច្បាស់លាស់ និងមិនបានផ្តល់កម្រៃអ្វីច្រើនទេ។ គាត់បាននិយាយថា «មុខរបរនេះដូចខ្មោចមកលងម្ដងម្កាល»។
