“ខួប ១០ ឆ្នាំនៃការចងចាំរបស់វិចិត្រករ វ៉ាន់ ណាត”
រៀបចំដោយ៖ មជ្ឈមណ្ឌលបុប្ផាណា និងគ្រួសារវិចិត្រករ វ៉ាន់ ណាត
ថ្ងៃទី ៥ ខែកញ្ញា ឆ្នាំ ២០២១ នេះ ជាគម្រប់ខួបមរណភាព ១០ ឆ្នាំ របស់វិចិត្រករ វ៉ាន់ ណាត ជនរងគ្រោះម្នាក់ដែលរស់រានមានជីវិតពី មន្ទីរ ស.២១ ឬដែលជាទូទៅស្គាល់ថា គុកទួលស្លែង ។ ការចងចាំរបស់លោក បានបង្ហាញឡើងតាមរយៈគំនូរជាច្រើនផ្ទាំង មានទាំងស-ខ្មៅ ពណ៌ធម្មជាតិ ដែលបង្ហាញពីជីវិតរបស់អ្នកទោស និងការធ្វើទារុណកម្មរបស់ឆ្មាំគុកនៅមន្ទីរ ស.២១ ក្នុងរបបខ្មែរក្រហម ។
មជ្ឈមណ្ឌលបុប្ផាណា រួមជាមួយនឹងគ្រួសារវិចិត្រករ វ៉ាន់ ណាត បានរៀបចំពិព័រណ័អនឡាញមួយ ក្រោយចំណងជើងថា “ខួប ១០ ឆ្នាំនៃការចងចាំរបស់វិចិត្រករ វ៉ាន់ ណាត” ដោយតាំងបង្ហាញនូវគំនូរស-ខ្មៅចំនួន ១១ សន្លឹក ភ្ជាប់ជាមួយនឹងការពិពណ៌នាដោយផ្ទាល់របស់វិចិត្រករ វ៉ាន់ ណាត ទាក់ទងនឹងមន្ទីរ ស.២១ នេះ ដើម្បីបានជាប្រយោជន៍ដល់សាធារណជនទាំងជាតិ និងអន្តរជាតិ សិក្សាស្វែងយល់ និងបានដឹងពីរឿងរ៉ាវនៃរបត់ប្រវត្តិសាស្រ្ដរបស់ប្រទេសកម្ពុជាយើងផងដែរ ។
សូមវិញ្ញាណក្ខន្ធជនរងគ្រោះក្នុងមន្ទីរ ស.២១ ក៏ដូចជាក្នុងរបបខ្មែរក្រហម បានទៅកាន់សុគតិភពកុំបីឃ្លៀងឃ្លាតឡើយ ។
