បទភ្លេងសាដៀវ ប្រគំដោយលោកគ្រូ អ៊ុក ហ៊ន ឆ្នាំ១៩៧២
មជ្ឈមណ្ឌលបុប្ផាណាសូមជូនបទភ្លេង #សាដៀវ ប្រគំដោយលោកគ្រូ អ៊ុក ហ៊ន កាលពីឆ្នាំ១៩៧២ ទុកជាការស្ដាប់កម្សាន្តក្នុងឱកាសឆ្នាំថ្មីនេះ។
សាដៀវ ឬ #សាយដៀវ ឬ #ខ្សែមួយ ជាឧបករណ៍តន្រ្ដីបុរាណដែលគេឃើញមានប្រើនៅក្នុងវង់ភ្លេងការ និងវង់ភ្លេងអារក្ស។ ជាពិសេស ពេលរាត្រីស្ងប់ស្ងាត់នៅទីជនបទ សាដៀវបន្លឺឡើងម្នាក់ឯងតម្អែរតម្អូញលន្លង់លន្លោចគួរឱ្យជក់ចិត្ត។
តាមរយៈសៀវភៅ #មរតកតន្រ្ដីខ្មែរ របស់អ្នកគ្រូ កែវ ណារុំ បានបង្ហាញថា ឧបករណ៍តន្រ្ដីនេះ យើងអាចមើលឃើញភស្ដុតាងដោយមានឆ្លាក់នៅតាមប្រាសាទបុរាណរបស់ខ្មែរ ជាពិសេសនៅលើចម្លាក់ផ្ដែរដែលមានដាក់តាំងនៅសារមន្ទីរជាតិក្រុងភ្នំពេញ (K-1757, C-30.22) តាំងពីរចនាបថសម្បូណ៌ព្រៃគុកក្នុងសតវត្សទី៧មកម្ល៉េះ។
#Archives #ArchivesPreservation