កម្មវិធីថ្មីរបស់មជ្ឈមណ្ឌលបុប្ផាណា ភាពយន្ដរាត្រី
ភាពយន្ដឯកសារចំនួន បី៖
រឿងរដ្ឋមន្ត្រីម៉ាំល្ហុង
ដឹកនាំដោយរឿន ណារិទ្ធ ៨នាទី ឆ្នាំ២០១៣ ភាសាខ្មែរ និងមានអក្សរអង់គ្លេសរត់ពីក្រោម
រឿងរដ្ឋមន្ត្រីម៉ាំល្ហុងមិនមែនបង្ហាញតែពីភាពក្រខ្សត់ទេ តែវាជាសាច់រឿងរបស់បុរសម្នាក់ដែលពោរពេញដោយថាមពល។ ដោយចេះប្រើភាពកំប្លុកកំប្លែង និងការតុបតែងម៉ូតូប្លែកពីគេ បូរ៉ាបង្ហាញឲ្យយើងឃើញថា អារម្មណ៍រីករាយ និងគំនិតច្នៃប្រឌិតរបស់គេ គឺជាកម្លាំងចលករធ្វើឲ្យគេមានភាពសុទិដ្ឋិនិយមនៅក្នុងជីវិតប្រចាំថ្ងៃ។
រឿងមគ្គុទ្ទេសក៏ក្មេង
ដឹកនាំដោយ ងឿម ផល្លី ៨នាទី ឆ្នាំ ២០១៥ ភាសាខ្មែរ និងមានអក្សរអង់គ្លេស រត់ពីក្រោម
ជ្រេ ជាមគ្គុទ្ទេសន៍អាយុ ១២ឆ្នាំ នៅលើភ្នំតូចមួយ ដែលជាតំបន់ទេសចរណ៍ និងកន្លែងប្រវត្តិសាស្ដ្រនៃរបបប្រល័យពូជសាសន៍ខ្មែរក្រហម ។ ជ្រេ បាត់បង់ម្ដាយតាំងពី អាយុ ២ឆ្នាំ និងត្រូវទទួលបន្ទុកមើលថែឳពុកឈឺម្នាក់ឯង បន្ទាប់ពីបងស្រីចាកចេញទៅរកការងារធ្វើ នៅប្រទេសថៃ។
រឿងអវត្តមាន
ដឹកនាំដោយម៉ាត្យឺ ផេង ២៧នាទី ឆ្នាំ២០០៧ ភាសាបារាំង និងមានអក្សរខ្មែររត់ពីក្រោម
ម៉ាត្យឺ ជាជនជាតិបារាំងមានដើមកំណើតខ្មែរ។ គ្រួសារគាត់បានចាកចេញពីប្រទេសនៅសម័យសង្គ្រាមស៊ីវិល។ ក្រោយមក គាត់ក៏ត្រឡប់មកវិញ ដើម្បីជួបសមាជិកខ្លះនៃគ្រួសាររបស់គាត់ដែលរស់នៅប្រទេសកម្ពុជា។ ពួកគាត់រម្លឹកការចងចាំឡើងវិញពីការឈឺចាប់ ទារុណកម្ម និងការបែកបាក់ក្រុមគ្រួសារក្នុងសម័យខ្មែរក្រហម។