កម្មវិធីបិទពិព័រណ៍ និងការជជែកជាមួយក្រុមគ្រួសាររបស់លោកStefan
ពិធីបិទពិព័រណ៍ «ជំរំជនភៀសខ្លួនខ្មែរនៅព្រំដែនថៃ» របស់អ្នកថតរូបអាមេរិច លោកស្ទេហ្វាន អេលីស៍។ ស្ទេហ្វាន កើតនៅឆ្នាំ១៩៦៥ នៅទីក្រុងវ៉ាស៊ីនតោន ហើយទទួលមរណភាពនៅឆ្នាំ១៩៩៦។ លោកគឺជាអ្នកថតរូបឯករាជ្យសម្រាប់សារព័ត៌មាន ធ្វើការនៅអាស៊ីអាគ្នេយ៍ រុស្សី និងអ៊ីស្រាអែល។ លោកធ្លាប់ធ្វើជាអ្នកកែគុណភាពរូបថតសម្រាប់ទីភ្នាក់ងារសារព័ត៌មានបារាំងនៅហុងកុង ហើយនៅឆ្នាំ១៩៩១ លោកបានមកបើក ការិយាល័យឲ្យទីភ្នាក់ងារនេះនៅទីក្រុងភ្នំពេញ។ នៅក្នុងឱកាសនៃការបិទពិព័រណ៍នេះ មជ្ឈមណ្ឌលបុប្ផាណា បានស្វាគមន៍ចំពោះវត្តមានក្រុមគ្រួសារ និងមិត្តភក្តិរបស់លោកស្ទេហ្វាន ពីសហរដ្ឋអាមេរិក។ សូមអញ្ជើញចូលរួមជជែកជាមិត្តភាព អំពីការងាររបស់ស្ទេហ្វាន ជាមួយនឹងមនុស្សជាទីស្រឡាញ់របស់គាត់។
ចូលរួមដោយសេរី!
