កិច្ចជំនួបជាមួយ លោក អ៊ុក ព្រំសុដុន
ការបញ្ចាំងភាពយន្ត ឯកសារស្ដីពីកម្លាំងផ្លាស់ប្ដូរនៃសិល្បៈទស្សនីយភាព
លោក អ៊ុក ព្រំសុដុន (Prumsodun OK) គឺជាសិល្បករ អ្នកនិពន្ធ គ្រូបង្រៀន និងអ្នករៀបចំពិព័រណ៍។ គាត់ទទួលបានភាពល្បីល្បាញតាមរយៈការសម្ដែងរបាំ និងវិជ្ជារបាំនៃរបាំបុរាណខ្មែរ។ គាត់រស់នៅទីក្រុងឡុងបិច សហរដ្ឋអាមេរិក គឺជាអ្នកដឹកនាំផ្នែកសិល្បៈ នៅសមាគមសិល្បៈខ្មែរ។ ថ្ងៃទី២៩ ខែសីហា គាត់បានបង្ហាញភាពយន្តចំនួនពីរដែលមិនធ្លាប់បញ្ចាំងពីមុនសោះ នៅប្រទេសកម្ពុជា។ រឿងទីមួយមានចំណងជើងថា «From the Heart of Brahma» គឺជាភាពយន្តឯកសារអមដោយបទសម្ភាសន៍ជាមួយ អ្នកស្រី សុភីលីន ជៀម សាពីរ៉ូ អ្នកស្រី តូនី សាពីរ៉ូ ភីម និងជនសំខាន់ៗមួយចំនួនទៀត និងផ្ដោតសំខាន់ទៅលើការផ្លាស់ប្ដូរនៃរបាំបុរាណ របស់លោកព្រំសុដុន ដែលរៀបរាប់ពីប្រវត្តិនៃអ្នកស្រលាញ់ភេទដូចគ្នា។ ព្រមជាមួយនឹងការបញ្ចាំងភាពយន្តខ្លីចំនួន១០នាទី ស្ដីពីការសម្ដែងថ្មីៗនេះ នឹងឆ្លុះបញ្ចាំងអំពីអត្ថន័យពិត ដែលអមដោយសំនួរ-ចម្លើយផ្ទាល់ផងដែរជាមួយលោកព្រំសុដុន។
ការបញ្ចាំងភាពយន្ត និងការពិភាក្សាជាភាសាខ្មែរ និងអង់គ្លេស ហើយនឹងមានការបកប្រែ ក្នុងករណីចាំបាច់។
ចូលរួមដោយសេរី! ស្វាគមន៍ប្រិយមិត្តទាំងអស់ !
ជីវប្រវត្តិសង្ខេប
លោក អ៊ុក ព្រំសុដុន (កើតនៅឆ្នាំ១៩៨៧) គឺដើម្បីផ្លាស់ប្ដូរពិភពលោករបស់យើង តាមរយៈការងារជាសិល្បករ គ្រូបង្រៀន អ្នកនិពន្ធ និងអ្នករៀបចំពិព័រណ៍របស់គាត់។ ស្នាដៃរបស់គាត់នៅ ក្នុងផ្នែកជាច្រើន បង្ហាញពីប្រពៃណីរបាំបុរាណខ្មែរ ដែលឆ្លុះបង្ហាញឱ្យឃើញពីការបែងចែកយុត្តិធម៌សង្គមចំពោះ លទ្ធភាពថ្មីនៃការសម្ដែង។ ស្នាដៃការងារដើមរបស់លោកត្រូវបានយកទៅសម្ដែងនៅក្នុង មហោស្រព Diaspora Festival CounterPULSE (ទីក្រុងសាន់ហ្វ្រាន់ស៊ីស្កូ) សាលមហោស្រពTeatro Benito Juárez (ទីក្រុងម៉ិកស៊ីកូ ) និងមហោស្រព REDCAT (ទីក្រុងឡូសអេនជឺលេស) និងមហោស្រពដទៃទៀតជាច្រើន។
លោក អ៊ុក ព្រំសុដុន ទទួលបាននូវកេរ្តិ៍ឈ្មោះដ៏ល្បីល្បាញ និងអាហារូបករណ៍ពី TED សមាគមន៍អ្នកសម្ដែងសិល្បៈ មូលនិធិ Durfee និងមជ្ឈមណ្ឌលដើម្បីការបញ្ចូលវប្បធម៌ថ្មី ពីសមាគមដទៃជាច្រើនទៀត។ គាត់សកម្មយ៉ាងខ្លាំងក្នុងការនិយាយពីរបាំខ្មែរ ការរៀបចំសហគមន៍ សាលារៀន និងសកលវិទ្យាល័យនានាដូចជា សកលវិទ្យាល័យទីក្រុងញ៉ូយក និងសកលវិទ្យាល័យកាលីហ្វ័រញ៉ា ទីក្រុងឡូសអេនជឺលេស (UCLA)។ លោកអ៊ុក ព្រំសុដុន បច្ចុប្បន្នជាអ្នកដឹកនាំផ្នែកសិល្បៈ របស់សមាគមសិល្បៈខ្មែរ និងសមាជិកក្មេងជាងគេនៃក្រុមប្រឹក្សារដ្ឋបាលរបស់ សម្ព័ន្ធសិល្បៈបុរាណកាលីហ្វ័រនីញ៉ា។