តើទៅអនាគត មនុស្សយើងនឹងដូចអ្វី?
ដោយលោកហ្សង់-ហ្វ្រង់ស័រ ប៊ូវេ
មជ្ឈមណ្ឌលបុប្ផាណារីករាយស្វាគមន៍លោកហ្សង់-ហ្វ្រង់ស័រ ប៊ូវេ ដើម្បីបកស្រាយពីបញ្ហាសង្គម ដែលមនុស្សជាតិកំពុងប្រឈមមុខនាពេលបច្ចុប្បន្ននេះ។
ក្នុងស្នាដៃសៀវភៅចុងក្រោយរបស់លោក (Mutants. À quoi ressemblerons- nous demain ? ដែលបោះពុម្ពឆ្នាំ២០១៤ ដោយគ្រឹះស្ថាន Flammarion) លោកហ្សង់-ហ្វ្រង់ស័រ ប៊ូវេ បានកត់សម្គាល់ថា អូម៉ូសាព្យាងគ្មានដំណើរផ្លាស់ប្ដូរទេ ប៉ុន្តែអំបូរនេះកំពុងប្រឈមមុខនឹងការវិវត្តន៍មិនធ្លាប់មានក្នុងរយៈពេល ២០០ពាន់ឆ្នាំនៃការកកើតរបស់មនុស្ស។
តើអ្នកមានដឹងទេថា សព្វថ្ងៃនេះ មានអ្នកកើតជំងឺធាត់ចំនួន៣០% នៅក្នុងចំណោមមនុស្សពេញវ័យនៅសហរដ្ឋអាមេរិក? ដឹងទេថា ការឆាប់ឡើងខ្លួនមុនអាយុកើតឡើង ចំពោះក្មេងស្រីកាន់តែច្រើនឡើង? ហើយអ្នកដឹងទេថា ចំនួនមេជីវិតឈ្មោលក្នុងទឹកកាមបុរសមានការចុះខ្សោយយ៉ាងច្រើន រយៈពេលជាងកន្លះសតវត្សរ៍មកនេះ? មនុស្សយើងកំពុងផ្លាស់ប្ដូរយ៉ាងខ្លាំង ប៉ុន្តែដំណើរផ្លាស់ប្ដូរនេះ គ្មានអ្វីទាក់ទងនឹងទ្រឹស្ដីនៃការវិវត្តន៍របស់មនុស្ស ដែលរកឃើញដោយលោកដាវីនទេ។ អ្វីជាដើមហេតុ? គឺមនុស្សខ្លួនឯងដែលបានបង្កើត«ជាតិគីមី» នៅក្នុងមជ្ឈដ្ឋានរស់នៅ … ហើយវាក៏ផ្ដល់ផលប៉ះពាល់ត្រឡប់មកវិញ។
វាជារឿងគួរឲ្យអស្ចារ្យ វេជ្ជសាស្ត្រនៅពេលអនាគតផ្ដល់នូវ«ក្ដីសង្ឃឹមនៃភាពអមតៈ»។ សព្វថ្ងៃ ការបង្កើតមេជីវិតឈ្មោលនៅក្នុងមន្ទីរពិសោធន៍ គឺអាចធ្វើទៅបាន រីឯស្បូនសិប្បនិម្មិតវិញ ក៏លេចជារូបរាងលឹមៗហើយដែរ ដែលជាការបើកផ្លូវឱ្យមានការកាត់ផ្ដាច់ចេញពីគ្នាទាំងស្រុងរវាងការរួមភេទ និងការបង្កកំណើត។ ការវិវត្តន៍របស់មនុស្សតាមបែបធម្មជាតិ ឬក៏ការវិវត្តន៍របស់មនុស្សតាមបែបបច្ចេកវិទ្យា ៖ តើមួយណាឈ្នះ? ក្រោយបទបង្ហាញ នឹងមានសំណួរ-ចម្លើយ។
កម្មវិធីនេះប្រព្រឹត្តទៅជាភាសាបារាំង។
ចូលរួមដោយសេរី!
លោកហ្សង់-ហ្វ្រង់ស័រ ប៊ូវេ គឺជាបណ្ឌិតផ្នែកជីវវិទ្យា បង្រៀននៅសាកលវិទ្យាល័យ Claude Bernard-Lyon I នៅប្រទេសបារាំង។ ការងារស្រាវជ្រាវរបស់លោកផ្ដោតទៅលើប្រសាទវិទ្យា។
ស្នាដៃរបស់លោកហ្សង់-ហ្វ្រង់ស័រ ប៊ូវេ ៖
– “Du fer dans les épinards et autres idées reçues” (sous la dir., គ្រឹះស្ថាន បោះពុម្ព Le Seuil ឆ្នាំ១៩៩៧)
– “La stratégie du caméléon. De la simulation dans le monde vivant” (គ្រឹះស្ថាន បោះពុម្ព Le Seuil ឆ្នាំ ២០០០)
– “Le péché, la bête et l’homme” (sous la dir., គ្រឹះស្ថាន បោះពុម្ព Le Seuil ឆ្នាំ២០០៣)
– “Sans le nucléaire on s’éclairerait à la bougie et autres tartes à la crème du discours technoscientifique” (សរសេរ រួមគ្នាជាមួយ Corinne Lepage គ្រឹះស្ថានបោះពុម្ព Le Seuil ឆ្នាំ២០១០)
– Le camion et la poupée. L’homme et la femme ont-ils un cerveau différent? (គ្រឹះស្ថាន បោះពុម្ព Flammarion ឆ្នាំ២០១២)
– Mutants. À quoi ressemblerons-nous demain ? (គ្រឹះស្ថាន បោះពុម្ព Flammarion ឆ្នាំ២០១៤)