ដើម្បីអបអរសាទរខួប ១១ឆ្នាំ នៃការឡើងគ្រងរាជ្យសម្បតិ្តរបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី មជ្ឈមណ្ឌលបុប្ផាណា សូមធ្វើការបង្ហាញជូន៖
ព្រះប្រជាកុមារ
ដឹកនាំដោយសម្ដេចព្រះនរោត្តម សីហនុ រយៈពេល ៦២នាទី ផលិតឆ្នាំ ១៩៦៦ និយាយជាភាសាខ្មែរ និងមានអក្សររត់ពីក្រោមជាភាសាអង់គ្លេស
ខ្សែភាពយន្ដនេះសម្ដែងដោយព្រះករុណា ព្រះបាទសម្ដេច ព្រះបរមនាថ សីហមុនី កាលពីព្រះអង្គនៅជាប្រជាកុមារ។ ព្រះប្រជាកុមារជាស្ដេចវ័យក្មេង ដែលគ្រប់គ្រង់នៅរាជាណាចក្រតូចមួយ។ ព្រះអង្គជាក្សត្រដ៏ត្រឹមត្រូវ និងយុត្តិធម៌។ ព្រះអង្គត្រូវម្តាយមីងបង្កើតព្យាយាមធ្វើគត់ ដោយប្រើទឹកវេទមន្ដ ដើម្បីលើកស្វាមីខ្លួនឯងឡើងគ្រងរាជ្យជំនួស។ ប៉ុន្ដែដោយសារអំណាចនៃការគោរពស្រឡាញ់របស់ប្រជារាស្រ្តចំពោះព្រះអង្គ រាស្ត្រនិងទាហានវាំងទាំងអស់នាំគ្នាបះបោរប្រឆាំងនឹងម្ដាយមីងព្រះអង្គ និងលើករាជបង្ល័ង្កថ្វាយព្រះប្រជាកុមារវិញ។