ដំណេកមាស
ដឹកនាំដោយ ជូ ដាវី ១០០នាទី ២០១១ ភាសាខ្មែរ និងមានអក្សរអង់គ្លេសរត់ពីក្រោម
ដំណេកមាសគឺជាខ្សែភាពយន្តឯកសារមួយផ្ដល់នូវការមើលឃើញដ៏កម្រមួយទៅលើពិភពភាពយន្តខ្មែរឆ្នាំ៦០-៧០ដែលបាត់បង់ទៅ។ អំឡុងសម័យខ្មែរក្រហម អ្នកសម្ដែងស្ទើរតែទាំងអស់ត្រូវបានគេសម្លាប់ ហើយមានអ្នកដឹកនាំរឿងតិចតួចណាស់ដែលអាចរត់ភៀសខ្លួនចេញពីប្រទេសរួច។ សព្វថ្ងៃ រោងភាពយន្តចាស់ៗនៅទីក្រុងភ្នំពេញត្រូវបានប្រែក្លាយទៅជាហាងផ្សេងៗ។ ជាមួយនឹងអ្នករស់រានមានជីវិតមួយចំនួនដែលប្រាប់រឿងរ៉ាវរបស់ពួកគេ រឿងដំណេកមាសព្យាយាមនាំយកមកវិញនូវភាពល្បាញល្បីនៃភាពយន្តខ្មែរដែលបាត់បង់ទៅ។