ទុកចោល
ថតរូបដោយ លោក គឹម ហាក់
តាំងបង្ហាញចាប់ពីថ្ងៃទី ២១ តុលា ដល់ថ្ងៃទី ២១ វិច្ឆិកា
នៅក្នុងអំឡុងទសវត្សរ៍ ៦០ ជ្រុងមួយនៃការអភិវឌ្ឍន៍តំបន់បាសាក់ (មាត់ទន្លេ) អគារប៊ូឌីញត្រូវបានរចនាឡើងដោយស្ថាបត្យករកម្ពុជាលោក លូ បានហាប់ និងត្រួតពិនិត្យដោយលោកវណ្ណ ម៉ូលីវណ្ណ និងវិស្វករជនជាតិរុស្សីបារាំងគឺ លោកវ៉្លាឌីមៀរ បូឌានស្កី ដោយបានដាក់សម្ពោធនៅឆ្នាំ១៩៦៣ ជា “ផ្ទះស្នាក់នៅ” សម្រាប់គ្រួសារជីវភាពកមិ្រតទាប និងមធ្យម។ ក្រោយរបបខ្មែរក្រហមនៅក្នុងឆ្នាំ១៩៧៩ ក្រសួងវប្បធម៌ និងវិចិត្រសិល្បៈបានប្រមូលផ្តុំនូវសិល្បករ រាប់រយគ្រួសារឲ្យរស់នៅក្នុងអគារនេះ។
លោកគឹម ហាក់ បានចំណាយពេលពីរខែចុងក្រោយ មុនការវាយកំទេចអគារចោលនៅខែកក្កដា ឆ្នាំ២០១៧ ដែលមានប្រជាជនប្រមាណជាង២៥០០នាក់។ វត្ថុផ្សេងៗដែលបានបន្សល់ទុកក្រោយពេលចាកចេញ លោកគឹម ហាក់ បានថតរូបជាលក្ខណះកំណាព្យលើវត្ថុទាំងអស់នោះ។ គាត់បន្តធ្វើការងារអំពី ប្រវត្តិសាស្រ្ត និងការចងចាំ។
ទស្សនាដោយសេរី