ប្រាក់ឈ្នួលប្ដូរនឹងភាពភ័យខ្លាច
ដឹកនាំដោយហង់រី-ហ្សក គ្លូហ្សូ ១៩៥៣ ១៤១នាទី ភាសាបារាំង
នៅក្នុងប្រវត្តិសាស្ត្រភាពយន្ត នេះគឺជាខ្សែភាពយន្តកម្រមួយ ដែលទទួលបានពានរង្វាន់ Grand Prix នៅមហោស្រពភាពយន្តទីក្រុងកាន និងពានរង្វាន់តុក្កតាមាស នៅមហោស្រពភាពយន្តទីក្រុងប៊ែរឡាំង។ រឿងរ៉ាវកើតឡើងនៅអាមេរិកខាងត្បូង។ ខណៈពេលដែលអណ្ដូងប្រេង គ្រប់គ្រងដោយក្រុមហ៊ុនអាមេរិកមួយ ត្រូវភ្លើងឆេះ ក្រុមហ៊ុនបានជួលបុរសអឺរ៉ុប៤នាក់ ឲ្យបើកឡានពីរគ្រឿងឆ្លងកាត់ភ្នំតាមផ្លូវរដិបរដុប។ ឡានទាំងនោះផ្ទុកពេញដោយនីត្រូគ្លីសេរីន ដែលអាចនឹងផ្ទុះឡើងភ្លាមពេលបុកត្រូវអ្វីមួយ។ ម៉ារីយ៉ូ (អ៊ីវ ម៉ុងតង់) និងចូ (ឆាល វ៉ាណែល) ស្ថិតក្នុងចំណោមបុរសទាំងបួននាក់។ រឿងវីរភាពដ៏គ្រោះថ្នាក់នេះ គឺជាស្នាដៃឯកមួយនៃវិស័យភាពយន្តបារាំង។
ទស្សនាដោយសេរី