ពិព័រណ៍រូបថត : ព្រលឹងរបាំ – ជំនួបជុំ
រៀបចំដោយលោកJames Wasserman
លោក James Wasserman បង្ហាញកម្រងរូបថតអំពីដំណើររបស់លោកមកកាន់ទីក្រុង ភ្នំពេញនៅឆ្នាំ១៩៩១ ដើម្បីផ្ដិតយករូបភាពក្រុមសិស្សបញ្ចប់ការសិក្សាផ្នែករបាំជំនាន់ទី១ នៅសាលាវិចិត្រសិល្បៈ។ សិស្សផ្នែករបាំទាំងនេះ ទទួលបានការបណ្តុះបណ្តាលពីលោកគ្រូ អ្នកគ្រូផ្នែកសិល្បៈដែលរស់រានពីរបបប្រល័យពូជសាសន៍នៅកម្ពុជា ដោយបង្កើតតំណភ្ជាប់ពីសម័យដែលអ្នករបាំហ្វឹកហាត់នៅក្នុងព្រះបរមរាជវាំង មកទល់នឹងកម្មវិធីបណ្តុះបណ្តាលសព្វថ្ងៃនេះ។
កិច្ចការចងក្រងរូបថតទាំងនេះ ទទួលបានការជំរុញទឹកចិត្តដោយលោកស្រីបណ្ឌិត Toni-Shapiro-Phim អ្នកជំនាញផ្នែកនរវិទ្យា ដែលបានធ្វើគម្រោងស្រាវជ្រាវទាក់ទងនឹងការចងក្រងឯកសារអំពីសាលារបាំនិងអំពីលោកគ្រូ អ្នកគ្រូផ្នែករបាំដែលទទួលខុសត្រូវក្នុងការចាប់ផ្តើមកម្មវិធីបណ្តុះបណ្តាលនេះ។
ពិព័រណ៍នេះ នឹងសម្ពោធនៅថ្ងៃទី៣ ខែវិច្ឆិកា ជាមួយនឹងវត្តមានរបស់សិល្បករ។
ពិព័រណ៍នេះ នឹងបង្ហាញជូនសាធារណជនទស្សនាដោយឥតគិតថ្លៃ ចាប់ពីថ្ងៃទី៣ ដល់ថ្ងៃទី៣០ ខែវិច្ឆិកា ឆ្នាំ២០២៣។