ភាពយន្ដឯកសារចំនួនពីរ ស្តីពីរបបខ្មែរក្រហម
កម្មាភិបាលខ្មែរក្រហមចូលរួមជួយក្នុងការងារសមូហភាព និងអាថ៌កំបាំងបណ្ណសារឆ្នាំ ១៩៧៨: ការសិក្សាពីរូបភាពថតដោយខ្មែរក្រហម
កម្មាភិបាលខ្មែរក្រហមចូលរួមជួយក្នុងការងារសមូហភាព
ដកស្រង់ចេញពីកម្រងឯកសាររបស់នាយកដ្ឋានសិល្បៈភាពយន្ត (DDC) ១៥នាទី គ្មានសំឡេង
នៅក្នុងឯកសារខែ្មរក្រហមមួយនេះ គេឃើញកម្មាភិបាលខែ្មរក្រហមចូលរួមក្នុងការងារសមូហភាពនានា៖ ការងារនៅរោងជាងឈើ ការដ្ឋានធ្វើផ្លូវថ្នល់ និងសំណង់អគារ។
អាថ៌កំបាំងបណ្ណសារឆ្នាំ ១៩៧៨: ការសិក្សាពីរូបភាពថតដោយខ្មែរក្រហម
ដឹកនាំដោយ Pierre Catalan និង Serge Viallet ២៦នាទី ឆ្នាំ ២០១០ ភាសាអង់គ្លេស
ក្រោយពីខ្មែរក្រហមបានផ្ដួលរំលំរបបលន់ នល់ និងបានអំណាចនៅខែមេសា ឆ្នាំ១៩៧៥មក កម្ពុជាត្រូវបានកាត់ផ្ដាច់ចេញពីពិភពលោក។ ការធ្វើជំនួញត្រូវបានហាមឃាត់ ធនាគារត្រូវបានកម្ទេច រូបិយវត្ថុត្រូវបានលុបលំបាត់ រោងភាពយន្តត្រូវបានបិទ… តែខ្មែរក្រហមបែរជាផលិតខ្សែភាពយន្ត។ តើគេផលិតភាពយន្តទាំងនេះដើម្បីអ្នកណា? ផលិតដើម្បីអ្វី?
