ភាពយន្ដឯកសារចំនួនពីរ
ដឹកនាំដោយ រ៉េមី ប្រាយអែន និង គ្រីស្តុហ្វ ហ្គាហ្ស៊ូឡូ
ឡូ
ដឹកនាំដោយរ៉េមី ប្រាយអែន ២៦នាទី ឆ្នាំ ២០១៤ ភាសាបារាំង និងមានអក្សរអង់គ្លេសរត់ពីក្រោម
កម្ពុជាមានប្រជាជន១៥លាននាក់ ក្នុងនោះ១០លានរស់នៅតំបន់ជនបទ។ ប្រជាជនច្រើនជាង៧លាននៃអ្នករស់នៅជនបទទាំងនោះគ្មានទឹកស្អាតប្រើប្រាស់នោះឡើយ។ ភាពយន្តឯកសារនេះថតពីជីវិតរបស់ចាយ ឡូ ដែលបានធំដឹងក្ដីនៅក្នុងតំបន់ដាច់ស្រយាលនៅភាគឦសានប្រទេស ដែលជាអតីតតំបន់ខ្មែរក្រហម។ ដោយស្នាក់អាស្រ័យនៅវត្ត ឡូបានតស៊ូរៀនសូត្ររហូតទទួលបានអារូបករណ៍ទៅសិក្សានៅបារាំងរហូតបានក្លាយជាវិស្វករផ្នែកកសិកម្ម រួចហើយត្រឡប់មកជួយអភិវឌ្ឍប្រទេសវិញ។ លោកបានបង្កើតអង្គការ«ទឹកស្អាត១០០១»នៅខេត្តបាត់ដំបង ក្នុងគោលបំណងលើកកម្ពស់សុខភាពប្រជាជននៅតាមទីជនបទ តាមរយៈការជួយពួកគេផលិតទឹកស្អាតសម្រាប់បរិភោគនៅក្នុងភូមិស្រុកផ្ទាល់តែម្ដង។
ដីបឹង
ដឹកនាំដោយគ្រីស្តុហ្វ ហ្គាហ្ស៊ូឡូ ៥៨នាទី ឆ្នាំ២០០៨ ភាសាអង់គ្លេស
ភាពយន្តនេះតាមដានដំណើរផ្លាស់ទីរបស់ត្រីនៅទន្លេមេគង្គ ហូរចាក់ទៅទន្លេសាបដែលជាទីនេសាទដ៏ធំសម្បើម។ ផលប៉ះពាល់នៃការសាងសង់ហេដ្ឋារចនាសម្ព័ន្ធផ្សេងៗទៅលើទឹក បរិស្ថាន មច្ឆា និងទៅលើជីវិតរបស់មនុស្ស ត្រូវបានបង្ហាញឡើងតាមរយៈរូបភាព 3D ។
