ភ្នំពេញមុនដួលរលំ៖ ការថតរូបនៅជុំវិញទីក្រុង
ពិព័រណ៍រូបថតឯកសារ ដោយលោក Colin Grafton
កម្មវិធីបើកពិព័រណ៍៖ ថ្ងៃទី ៣១ ខែមីនា នៅម៉ោង ៦:៣០ ល្ងាច
ពីថ្ងៃទី ៣១ ខែមីនា ដល់ថ្ងៃទី ២៩ ខែមេសា
នៅឆ្នាំ ១៩៧៤ មុនការដួលរលំទីក្រុងភ្នំពេញ ទីក្រុងមួយនេះត្រូវបានកាត់ផ្តាច់ស្ទើរតែទាំងស្រុងពីពិភពលោកទាំងមូល។ ផ្លូវចេញពីទីក្រុងត្រូវបានបំផ្លិចបំផ្លាញ ឬក៏ត្រូវបានកាន់កាប់ដោយក្រុមខ្មែរក្រហម។ ចំណែកឯ ផ្លូវទឹកទៅកាន់ប្រទេសវៀតណាម ក៏មិនអាចធ្វើចរាចរណ៍ ឆ្លងកាត់បាន ហើយព្រលានយន្តហោះក៏មិនអាចដំណើរការបានជាប់ជាប្រចាំនោះដែរ ព្រោះខ្មែរក្រហមបានបាញ់ផ្លោងសំដៅព្រលានយន្តហោះជាញឹកញាប់។ ទីក្រុងនេះបានរងការប្រហារតាមរយៈគ្រាប់ផ្លោងរបស់ខ្មែរក្រហម ហើយជនភៀសខ្លួនយ៉ាងច្រើនសន្ធឹកសន្ធាប់បានធ្វើដំណើរពីជនបទមកកាន់ទីក្រុងមួយនេះ ។
មនុស្សជាច្រើននៅតែបន្តជីវិតប្រចាំថ្ងៃរបស់ពួកគេធម្មតា បើទោះបីជាទីក្រុងនេះស្ថិតក្រោមការឡោមព័ទ្ធអស់រយៈពេលជាច្រើនឆ្នាំក៏ដោយ។ រូបភាព ពីរដ្ឋធានីភ្នំពេញ និងជនបទ ជុំវិញរដ្ឋធានីនោះ បែរជាធ្វើឲ្យយើងមើលឃើញនូវភាពផ្ទុយគ្នាពីស្ថានភាពដ៏លំបាកវេទនា មុនពេលនៃការដួលរលំរដ្ឋធានីនេះទៅវិញ។
ទស្សនាដោយសេរី