មហោស្រពអន្តរជាតិភាពយន្តស្នេហា ទីក្រុងម៉ុងស៍ លើកទី១នៅកម្ពុជា
ចាប់ពីថ្ងៃទី៩ ដល់ថ្ងៃទី១២ កញ្ញា នៅមជ្ឈមណ្ឌលបុប្ជាណា
អគ្គប្រតិភូ វ៉ាឡូនី-ប្រ៊ុចសែល នៅប្រទេសវៀតណាមប្រចាំប្រទេសកម្ពុជា និងប្រទេសឡាវ ដោយរួមសហការជាមួយអគ្គប្រតិភូនៃមហោស្រពអន្តរជាតិភាពយន្តស្នេហា ទីក្រុងម៉ុងស៍ (FIFA Mons) និងនាយកនៃមជ្ឈមណ្ឌលបុប្ផាណា រៀបចំប្រារព្ធមហោស្រពនេះជាលើកទី១ នៅមជ្ឈមណ្ឌលបុប្ផាណា ទីក្រុងភ្នំពេញ ចាប់ពីថ្ងៃទី៩ ដល់ថ្ងៃទី១២ ខែកញ្ញា ឆ្នាំ២០១៧។
មហោស្រពនេះនឹងនាំមកជូននូវខ្សែភាពយន្តចំនួន៤ ក្រោមប្រធានបទស្នេហាជាទូទៅ ដែលនឹងត្រូវចាក់បញ្ចាំង ក្រោមវត្តមានរបស់លោកអង់ដ្រេ សឺតឺរិក អគ្គប្រតិភូនៃ FIFA Mons។ បច្ចុប្បន្ន កម្មវិធីមហោស្រពនេះមានកិត្តិស័ព្ទល្បីល្បាញ និងរីកសុះសាយទាំងនៅប៊ែលហ្ស៊ិក នៅអឺរ៉ុប និងទូទាំងពិភពលោក។
កាលវិភាគចាក់បញ្ចាំងភាពយន្ត
ថ្ងៃទី ៩ កញ្ញា «រឿង ក្មេងស្រីអត់ឈ្មោះ»
ថ្ងៃទី ១០ កញ្ញា «រឿង អូរ៉ តាប៊័រ»
ថ្ងៃទី ១១ កញ្ញា «រឿង កូនស្រី»
ថ្ងៃទី ១២ កញ្ញា «រឿង ម៉ារីយ៉ា»
ទស្សនាដោយសេរី
