មិនអាចអភ័យបាន
ដឹកនាដោយអង់ដ្រេ តេជីណេ ១១២នាទី ឆ្នាំ២០១២ ភាសាបារាំង និងមានអក្សរអង់គ្លេសរត់ពីក្រោម
ហ្វ្រង់ស៊ីស គឺជាអ្នកនិពន្ធរឿងបែបឃាតកម្មដ៏ជោគជ័យម្នាក់។ គាត់បានផ្លាស់ទីលំនៅនៅទីក្រុង Venice ដើម្បីសរសេរប្រលោមលោកថ្មីរបស់គាត់។ គាត់បានជួបនាងជូឌីត ភ្នាក់ងារអចលនវត្ថុដែលធ្លាប់ជាតារាបង្ហាញម៉ូតពីមុន។ គាត់ក៏លង់ស្រឡាញ់នាង។ អ្នកទាំងពីរក៏បានសម្រេចចិត្តរៀបការ ហើយក៏ផ្លាស់ទៅនៅផ្ទះដាច់ស្រយាលមួយនៅកោះ Torcello។ តែថា សុភមង្គលថ្មីនេះក្លាយជាការរំខានដល់ការសរសេរប្រលោមលោករបស់គាត់ទៅវិញ ព្រោះអារម្មណ៍គាត់ចេះតែគិតដល់ជូឌីត ចង់ដឹងថាតើនាងធ្វើអ្វីខ្លះនៅពេលនាងទៅធ្វើការ។ ហ្វ្រង់ស៊ីសក៏បានជួលអតីតអ្នកទោសវ័យក្មេងម្នាក់ដើម្បីតាមដាននាង។ ខណៈពេលដែលរឿងស្នេហាពីអតីតរបស់នាងត្រូវបានបកលាតត្រដាង បុរសទាំងពីរចាប់ផ្តើមផ្តោតការចាប់អារម្មណ៍កាន់តែខ្លាំងឡើងទៅលើស្ត្រីដ៏អាថ៌កំបាំងម្នាក់នេះ។ខ្សែភាពយន្តនេះលាតត្រដាងអំពីផលវិបាកដែលកើតចេញពីបញ្ហាទំនាក់ទំនងស្នេហាពីអតីតកាលដែលដោះស្រាយមិនស្រាច់បាច់ ហើយវានឹងជះឥទ្ធិពលដល់ពេលអនាគត។
