មិនទុកចោលនរណាម្នាក់- អ្នកទទួលផល និងអ្នកអនុវត្តកម្មវិធីអត្តសញ្ញាណកម្មគ្រួសារក្រីក្រ
កម្មវិធីបើកពិព័រណ៍៖ ថ្ងៃទី ២២ មិថុនា ម៉ោង៥ល្ងាច
រយៈពេលនៃពិព័រណ៍ចាប់ពីថ្ងៃទី២១ មិថុនា ដល់ថ្ងៃទី២០ កក្កដា
កម្មវិធីអត្តសញ្ញាណកម្មគ្រួសារក្រីក្រ គឺជានីតិវិធីសម្រាប់ការកំណត់អត្តសញ្ញាណគ្រួសារក្រីក្រ ដែលអនុវត្តដោយក្រសួងផែនការ។ ពិព័រណ៍នេះបង្ហាញពីរូបថតនៃអ្នកទទួលផល និងអ្នកអនុវត្តកម្មវិធីអត្តសញ្ញាណកម្មគ្រួសារក្រីក្រ ដោយភ្ជាប់ជាមួយប្រវត្តិខ្លីៗរបស់ពួកគាត់។ តាមរយះរូបទាំងនេះគឺ អាចឲ្យយើងដឹងអំពី តួនាទីនៃកម្មវិធីអត្តសញ្ញាណកម្មគ្រួសារក្រីក្រ និងរបៀបដែលកម្មវិធីនេះមានឥទ្ធិពលទៅលើការរស់នៅរបស់មនុស្ស។
ជារៀងរាល់ឆ្នាំ អ្នកតំណាងភូមិនៅទូទាំងប្រទេសប្រើកម្រងបញ្ជីសំណួរ ដែលរៀបចំដោយកម្មវិធីអត្តសញ្ញាណកម្មគ្រួសារក្រីក្រ និងប្រមូលផ្ដុំឲ្យមានការចូលរួមតាមភូមិ ដើម្បីកំណត់គ្រួសារណានឹងទទួលបានប័ណ្ណសមធម៌។ ប័ណ្ណនេះផ្ដល់អោយពួកគាត់ ទទួលបានសេវាសង្គមជាច្រើនដូចជា ការផ្ញើប្រាក់ កម្ចីដោយមានអត្រាការប្រាក់ទាប សេវាគាំទ្រផ្នែកច្បាប់ ការកាត់បន្ថយថ្លៃសេវានានារបស់រដ្ឋាភិបាល និងការថែទាំសុខភាពដោយឥតគិតថ្លៃ។ ទិន្នន័យស្តីពីកម្មវិធីអត្តសញ្ញាណកម្មគ្រួសារក្រីក្រ គ្របដណ្តប់ទូទាំងប្រទេសកម្ពុជា ហើយត្រូវបានប្រើប្រាស់ដោយកម្មវិធីរបស់រដ្ឋាភិបាល អង្គការមិនមែនរដ្ឋាភិបាល និងដៃគូអភិវឌ្ឍន៍ ដើម្បីកំណត់ទិសដៅនៃការកាត់បន្ថយភាពក្រីក្ររបស់ពួកគេ។
កម្មវិធីអត្តសញ្ញាណកម្មគ្រួសារក្រីក្រ គាំទ្រដោយរដ្ឋាភិបាលអូស្រ្តាលី និងអាល្លឺម៉ង់។ ការគាំទ្រនេះអនុវត្តដោយ GIZ។
ទស្សនាដោយសេរី
រូបថតដោយ Conor Wall
http://www.conorwall.com
