នៅថ្ងៃទី៦ ខែមីនា ឆ្នាំ២០២៤ ខាងមុខនេះ លោក ឈិន សុធា នឹងចូលរួមចែករំលែកបទពិសោធរបស់លោកលើប្រធានបទ «សិល្បៈនៃការដឹកនាំរឿងទៅតាមសម័យកាល និងការរស់នៅក្នុងសង្គម»។ លោក ឈិន សុធា គឺជាផលិតករនិងដឹកនាំរឿងមួយរូបដែលមានបទពិសោធក្នុងការផលិតនិងដឹកនាំភាពយន្ដភាគ និងវីដេអូពាណិជ្ជកម្មជាច្រើន។ ក្នុងឱកាសនេះមជ្ឈមណ្ឌលបុប្ផាណាសូមអញ្ជើញសាធារណជនទាំងអស់ដែលមានចំណាប់អារម្មណ៍លើវិស័យភាពយន្ដ ការផលិតវីដេអូនានា ចូលរួមកម្មវិធីនេះឱ្យបានច្រើនកុះករ។
កម្មវិធីនេះ នឹងធ្វើឡើងជាភាសាខ្មែរ។

ទីតាំង : មជ្ឈមណ្ឌលបុប្ផាណា
កាលបរិច្ឆេទ : ថ្ងៃទី៦ ខែមីនា ឆ្នាំ២០២៤ ម៉ោង : ៦ល្ងាច
ចូលរួមដោយសេរី និងឥតគិតថ្លៃ