ស្ថាបត្យកម្មខ្មែរក្រោយ សម័យឯករាជ្យ

វាគ្មិន ៖ ឯកឧត្តមឃួន ឃុននាយ និង លោកស្រីសូ សុគន្ធារី

លោកស្រី​​សូ សុគន្ធារី បណ្ឌិតផ្នែកស្ថាបត្យកម្ម។ លោកស្រី​​⁣ បានបញ្ចប់ថ្នាក់​បណ្ឌិតផ្នែកប្រវត្តិ ​ស្ថាបត្យកម្មនៃ​តំបន់​អាស៊ីអាគ្នេយ៍ នៅសាកលវិទ្យាល័យ Waseda នៃ​ប្រទេស​ជប៉ុន។ លោកស្រី ធ្លាប់​ជាបុគ្គលិកបច្ចេកទេសនៃគម្រោង ​របស់​​រដ្ឋាភិបាលជប៉ុនសម្រាប់ការ ​អភិរក្ស និងការជួសជុល​​ប្រាសាទបាយ័ន (១៩៩៨)។ បច្ចុប្បន្ន​ លោក​ស្រី​ជា​​ប្រធាន​កិត្តិយស​នៃ​ដេប៉ាតឺម៉ង់ស្ថាបត្យកម្ម និង​នគរូបនីយវិទ្យានៃ​សាលកវិទ្យាល័យ​ន័រតុន និង​ជាសាស្ត្រាចារ្យ​បង្រៀន​ផ្នែក​ប្រវត្តិ​​សិល្បៈ និង​ស្ថាបត្យកម្ម​ខ្មែរ។

ឯកឧត្តម ឃួន ឃុននាយ អគ្គនាយករងអាជ្ញាធរអប្សរា។ លោកគឺ​ជា​ស្ថាបត្យករ និង​នគរូបនីយករ​។ លោក​ទទួល​បាន​សញ្ញា​បត្រ​​អនុ​បណ្ឌិត​​ផ្នែ​ក​​ស្ថាបត្យ​កម្ម​នៅ​សាកលវិទ្យាល័យ Kiev (ប្រទេសអ៊ុចហ្ក្រែន)​នៅ​ឆ្នាំ​១៩៦៦, អនុបណ្ឌិត​ផ្នែក​ច្បាប់​នៅ​ទី​ក្រុង​​ភ្នំ​ពេញ​ឆ្នាំ​១៩៧២ ផ្នែកគម្រោង​អភិវឌ្ឍនៅ​ទីក្រុងឡុងដ៏​​នៅ​ឆ្នាំ​​១៩៧៣ និង​ផ្នែកវិទ្យាសាស្រ្ត​​នយោបាយ​​នៅ​ឆ្នាំ​១៩៨៧ នៅ​កាណាដា។ ពី​ឆ្នាំ​១៩៦៦ដល់​ឆ្នាំ​១៩៧១ លោកគឺ​ជា​ស្ថាបត្យករ​នៅ​​ការិយា​ល័យ​​ស្ថាបត្យ​កម្ម​​ឯក​ជន​​របស់​​លោក​វណ្ណ ម៉ូលីវណ្ណ។ នៅ​ឆ្នាំ​១៩៧៧ លោក​​បាន​​ចាក​ចេញ​​ពី​ប្រទេស​កម្ពុជា។ លោក​ត្រឡប់​មកប្រទេស​​វិញ​​នៅ​ឆ្នាំ​២០០៤ ដោយ​ចូល​​បម្រើ​​ការងារ​នៅ​អាជ្ញាធរ​អប្សរា ហើយ​ចាប់​តាំង​ពីឆ្នាំ​២០០៨​មក លោក​បាន​ក្លាយ​ជា​អគ្គនាយករង​អាជ្ញាធរ​អប្សរា​។ បទ​បង្ហាញ​ជា​ភាសាខ្មែរ ។

ចូលរួមដោយសេរី !

avatar
  • November 11, 2014 · 6:00 pm
  • Bophana Center
  • Conferences