អ្នករបាំឆ្នាំ១៩៧៣
ការតាំងពិព័រណ៍រូបថត ដោយលោក Colin Grafton
ពីថ្ងៃទី ០១ ខែមេសា ដល់ ថ្ងៃទី ២៨ ខែមេសា
បើកសម្ពោធពិព័រណ៍៖ ថ្ងៃសុក្រ ទី ០១ ខែមេសា វេលាម៉ោង ០៦ល្ងាច
នៅក្នុងឱកាសដ៏កម្រមួយនៃការសម្តែងរបាំក្បាច់បុរាណ អំឡុងសម័យសង្គ្រាមស៊ីវិលនៅកម្ពុជាកាលពី៤៣ឆ្នាំមុន អ្នកថតរូបម្នាក់បានដើរចូលទៅក្នុងបន្ទប់ផ្លាស់សម្លៀកបំពាក់របស់អ្នករបាំ និងបានថតរូបមួយចំនួន។ អ្នករបាំទាំងនោះមិនបានចាប់អារម្មណ៍នឹងគាត់ទេ។ ៣៣ឆ្នាំក្រោយមក មានអ្នករបាំម្នាក់ បានជួបនឹងអ្នកថតរូបនេះដោយចៃដន្យនៅទីក្រុងតូក្យូ ប្រទេសជប៉ុន អំឡុងពេលទៅសម្តែងនៅទីនោះ។ ជំនួបនេះបាននាំឲ្យអ្នកថតរូបបានទៅជួបនឹងអ្នករបាំផ្សេងទៀតនៅក្នុងរូបថតម្ដងមួយៗ បន្ទាប់ពីគាត់បានត្រឡប់មកប្រទេសកម្ពុជាជាថ្មីម្ដងទៀត។ រឿងរ៉ាវនៃការលំបាក ការតស៊ូ និងការប្រឹងប្រែងដើម្បីរស់របស់ពួកគាត់ រួមទាំងការរស់ឡើងវិញនៃរបាំបុរាណ ដែលជាព្រលឹងរបស់ជាតិកម្ពុជា គឺជាចំណុចស្នូលបង្កើតបានជាខ្លឹមសារនៃការតាំងពិព័រណ៍លើកនេះ។