អ្នកអង្គរ
ដឹកនាំដោយ ប៉ាន់ រិទ្ធី ៩៥នាទី ២០១៣ ភាសាខ្មែរ និងអក្សរអង់គ្លេសរត់ពីក្រោម
ប្រាសាទអង្គរវត្ត គឺជានិមិត្តរូបនៃភាពធន់ទប់ទល់នឹងការញាំញីរបស់សង្គ្រាម។ លោកប៉ាន់ រិទ្ធីបានទៅតំបន់អង្គរ ដើម្បីផ្ដិតយករូបភាពប្រជាកសិករនៅស្រុកស្រែ និងអ្នកលក់កំប៉ិកកំប៉ុក។ ក្មេងប្រុសជំទង់ម្នាក់ចោទសួរពីអនាគតរបស់ខ្លួន។ គេចង់ក្លាយជាមគ្គទ្ទេសក៍ទេសចរ បន្តការចងចាំពីតំបន់នេះឲ្យនៅយូរអង្វែង ប៉ុន្តែគេក្រពេកមិនអាចទៅសាលារៀនបាន។ មនុស្សចាស់ៗផ្ដល់ដំបូន្មានដល់រូបគេ។កសិករគ្មានដី និយាយរៀបរាប់ពីស្រែ រីឯបុរសម្នាក់ទៀត បង្ហាញពីមាន់ជល់ ដែលជាក្ដីសង្ឃឹមទាំងស្រុងរបស់គាត់។