ស៊ីណេក្លឹបក្នុងខែតុលានេះសូមបង្ហាញជូនលោកអ្នកនូវស្នាដៃដ៏គួរឲ្យចាប់អារម្មណ៍របស់ផលិតករភាពយន្តវ័យក្មេងមួយរូប គឺលោក សុខ ចាន់រ៉ាដូ។
គាត់បានចាប់ផ្ដើមដំណើរក្នុងវិស័យភាពយន្តនេះតាមរយៈគម្រោងសិល្បៈ ស-ស នៅអគារប៊ូឌីញ រួចបន្តជាមួយគម្រោង «មួយដុល្លារ» របស់មជ្ឈមណ្ឌលបុប្ផាណា។ ក្នុងគម្រោងនេះ គាត់បានផលិតខ្សែភាពយន្តឯកសារចំនួន ៥ ចំណងជើង ហើយបន្ទាប់ពីគម្រោងនេះបញ្ចប់ទៅ លោកក៏បានបន្តផលិតខ្សែភាពយន្តថ្មីៗបន្ថែមទៀត រួមទាំងភាពយន្តប្រតិដ្ឋទៀតផង។ រឹតតែគួរឲ្យចាប់អារម្មណ៍ ស្នាដៃរបស់លោកមួយចំនួនក៏ត្រូវបានជ្រើសរើសដោយមហោស្រពភាពយន្តជាច្រើនទាំងថ្នាក់ជាតិ និងអន្តរជាតិ។
ភាពយន្តដែលលោករ៉ាដូផលិតភាគច្រើននិយាយពីសេរីភាព និងតម្លាភាព។ ចង់ដឹងថា តើខ្សែភាពយន្តទាំងនោះមានរូបភាពបែបណា កុំភ្លេចចូលរួមកម្មវិធីស៊ីណេក្លឹបទាំងអស់គ្នា។

ចូលរួមដោយសេរី