ភាពយន្តឯកសារ៖ ប្រាសាទសម្បូរព្រៃគុក – Online
ផលិតដោយនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ឆ្នាំ២០០២-២០០៣ ២៧នាទី ភាសាខ្មែរ មានអក្សរអង់គ្លេសរត់ពីក្រោម
ថ្ងៃទី៨ ខែកក្កដា ឆ្នាំ២០២១ ជាគម្រប់ខួប៤ឆ្នាំនៃការដាក់បញ្ចូលប្រាសាទសម្បូរព្រៃគុកទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ។ មជ្ឈមណ្ឌលបុប្ផាណាសូមជូនភាពយន្តឯកសារខ្លីពីរដែលផលិតដោយនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ស្ដីអំពីតំបន់បេតិកភណ្ឌដ៏អស្ចារ្យនេះ។
១. ប្រាសាទសម្បូរព្រៃគុក
ផលិតដោយនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ឆ្នាំ២០០៣ ១៦នាទី ភាសាខ្មែរ មានអក្សរអង់គ្លេសរត់ពីក្រោម
ស្ថិតក្នុងចម្ងាយ៣០គ.ម.ពីខេត្ដកំពង់ធំ (ស្រុកប្រាសាទសម្បូរ) សម្បូរព្រៃគុកគឺជាស្ថាបត្យកម្មមុនសម័យអង្គរដ៏ធំមួយ និងជាអតីតរាជធានីនៃអាណាចក្រចេនឡានាសតវត្សទី៧ដែលមានឈ្មោះថា “ឥសានបុរៈ”។ នាសម័យនោះ ទីនេះគឺជាមជ្ឈមណ្ឌលវប្បធម៌ សាសនា និងនយោបាយដ៏ធំរបស់ខ្មែរ។
២. ការរៀបចំរមណីយដ្ឋានវប្បធម៌ ទេសចរណ៍ នៅតំបន់សម្បូរព្រៃគុក
ផលិតដោយនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ឆ្នាំ២០០២ ១១នាទី ភាសាខ្មែរ មានអក្សរអង់គ្លេសរត់ពីក្រោម
គណៈប្រតិភូអន្ដរក្រសួងមួយក្រុម ដឹកនាំដោយឯកឧត្ដម ប៉ែន យ៉េត មកពីក្រសួងវប្បធម៌ និងវិចិត្រសិល្បៈ រួមនឹងឯកឧត្ដមអភិបាលខេត្ដកំពង់ធំ និងសាកលវិទ្យាល័យវ៉ាស៊ីដា អង្គការយូណេស្កូ អង្គការស្បៀងអាហារពិភពលោក និងមន្ដ្រីមន្ទីរខេត្ដ បានបើកកិច្ចពិភាក្សាមួយស្ដីពីការថែរក្សា ជុសជុល និងរៀបចំតំបន់វប្បធម៌ប្រាសាទសម្បូរព្រៃគុក ឬរាជធានីឥសានបុរៈឡើងវិញ។
ថ្ងៃព្រហស្បតិ៍ ទី៨ ខែកក្កដា ឆ្នាំ២០២១ វេលាម៉ោង៥ល្ងាច នៅលើទំព័រ Facebook (Bophana Center)។
