គម្រោងរបាំបុរាណខ្មែរ ៖ បទសម្ភាសជាមួយលោកយាយ ឯម ធាយ – Online
ផលិតដោយគម្រោងរបាំបុរាណខ្មែរ (Khmer Dance Project) ឆ្នាំ២០១២ រយៈពេល៨៧នាទី ភាសាខ្មែរ មានអក្សរអង់គ្លេសរត់ពីក្រោម
ដើម្បីរំឭកស្នាដៃដ៏គួរឱ្យចងចាំរបស់លោកយាយ ឯម ធាយ មជ្ឈមណ្ឌលបុប្ផាណានឹងបញ្ចាំងវីដេអូកិច្ចសម្ភាសមួយជាមួយលោកយាយ ដែលផលិតដោយគម្រោងរបាំបុរាណខ្មែរ ឆ្នាំ២០១២។
លោកយាយ ឯម ធាយ គឺជាព្រឹទ្ធាចារ្យនៃរបាំបុរាណខ្មែរ។ លោកយាយ ឯម ធាយ កើតនៅឆ្នាំ ១៩៣២។ ក្នុងបទសម្ភាសនេះ លោកយាយ ឯម ធាយ បានរៀបរាប់ពីដំណើរជីវិតរបស់ខ្លួន ដោយផ្សារភ្ជាប់ជាមួយនឹងវិស័យសិល្បៈស្ទើរពេញមួយជីវិត។
ថ្ងៃអង្គារ ទី១៥ ខែមិថុនា ឆ្នាំ២០២១ វេលាម៉ោង៦ល្ងាច នៅលើទំព័រ Facebook របស់មជ្ឈមណ្ឌលបុប្ផាណា (Bophana Center)។