ដីខ្លាញ់ប្រមាញ់ជីវិត + ការបះបោររបស់ជនជាតិចាមនៅភូមិស្វាយឃ្លាំង – Online
ផលិតដោយមជ្ឈមណ្ឌលបុប្ផាណា ២៥នាទី ភាសាខ្មែរ មានអក្សរអង់គ្លេសរត់ពីក្រោម
១. ដីខ្លាញ់ប្រមាញ់ជីវិត
ផលិតដោយមជ្ឈមណ្ឌលបុប្ផាណា ឆ្នាំ២០១៧ ១៨នាទី ភាសាខ្មែរ មានអក្សរអង់គ្លេសរត់ពីក្រោម
អ្នកស្រី ប៉ូ ឌីណា និងប្អូនប្រុស និយាយពីរឿងគ្រួសារគាត់នាអតីតកាល។ គាត់រៀបការ ហើយទៅរស់នៅទីក្រុងភ្នំពេញជាមួយប្តីមុននាឆ្នាំ១៩៧៥។ ខ្មែរក្រហមបានចូលមកដល់ក្រុង និងបានជម្លៀសគាត់ទៅខេត្តកណ្តាល។ បន្ទាប់មក ខ្មែរក្រហមបានជម្លៀសគាត់បន្តទៀតរហូតដល់ខេត្តពោធិ៍សាត់។ ខ្មែរក្រហមចាប់ផ្តើមបង្ខំឱ្យគាត់ធ្វើការហួសកម្លាំង និងបង្អត់អាហារ ថែមទាំងសម្លាប់ប្អូនគាត់ ឯកូនប្រុសរបស់គាត់វិញត្រូវគេកប់ទាំងរស់ ទាំងដែលគាត់ឃើញនឹងភ្នែក។ ខ្មែរក្រហមបានវាយបំបាក់ជើងគាត់ និងចាប់គាត់ដាក់គុក ព្រោះតែគាត់មិនព្រមរៀបការ។
២. ការបះបោររបស់ជនជាតិចាមនៅភូមិស្វាយឃ្លាំង
ផលិតដោយមជ្ឈមណ្ឌលបុប្ផាណា ៧នាទី ភាសាខ្មែរ មានអក្សរអង់គ្លេសរត់ពីក្រោម
ជនជាតិចាមរស់នៅភូមិស្វាយឃ្លាំង ខេត្តកំពង់ចាម មិនព្រមផ្លាស់ប្ដូរជីវិតតាមបដិវត្តន៍របស់ខ្មែរក្រហមឡើយ។ ពួកគេបានទទួលរងការធ្វើទុក្ខបុកម្នេញ ត្រូវបង្ខំឱ្យស្លៀកពាក់ខ្មៅ និងរស់នៅតាមបែបសមូហភាពជាដើម…។
ថ្ងៃព្រហស្បតិ៍ ទី២៩ ខែកក្កដា ឆ្នាំ២០២១ វេលាម៉ោង៥ល្ងាច នៅលើទំព័រ Facebook (Bophana Center)។
