ភាពយន្តរបស់មណ្ឌលព័ត៌មានស្រ្ដីកម្ពុជា: ជីវិតគ្រួសារនៅកម្ពុជា – Online
ផលិតដោយមណ្ឌលព័ត៌មានស្រ្ដីកម្ពុជា ភាសាខ្មែរ
១. ខ្យល់បាតព្រែក
ផលិតដោយមណ្ឌលព័ត៌មានស្រ្ដីកម្ពុជា ឆ្នាំ២០០៦ រយៈពេល៣១នាទី ភាសាខ្មែរ
នៅក្នុងសហគមន៍ដាច់ស្រយាលមួយនៃប្រទេសកម្ពុជា ប្រជាជននៅតែមិនយកចិត្តទុកដាក់ពីគ្រោះថ្នាក់នៃការសម្រាលកូនដោយសារភាពមិនចេះអក្សរ និងកង្វះព័ត៌មាន។ អត្រាស្លាប់របស់មាតានៅពេល និងក្រោយពេលសម្រាលកូន មានកម្រិតខ្ពស់។ ពួកគេនៅតែចូលចិត្តឆ្មបបុរាណជាជាងគ្រូពេទ្យឯកទេសនៅមន្ទីរពេទ្យ។ រដ្ឋាភិបាល សង្គមស៊ីវិល និងអង្គការមិនមែនរដ្ឋាភិបាលខំប្រឹងប្រែងដើម្បីអប់រំប្រជាជនពីសុខភាពបន្តពូជ។
២. សម្លឆ្ងាញ់ដោយសារគ្រឿង
ផលិតដោយមណ្ឌលព័ត៌មានស្រ្ដីកម្ពុជា ឆ្នាំ២០១០ រយៈពេល២៦នាទី ភាសាខ្មែរ
អាយ៉ៃរឿងនេះអប់រំពីការប្រើអំពើហិង្សាផ្លូវភេទទៅលើស្រ្ដី។ សម្លឆ្ងាញ់ដោយសារគ្រឿង ប្រៀបបាននឹងប្ដីប្រពន្ធដែលរស់នៅចុះសម្រុងនឹងគ្នា ចេះអធ្យាស្រ័យឱ្យគ្នាទៅវិញទៅមក។ ម្ល៉ោះហើយ ស្វាមីគប្បីជួយសម្រាលទុក្ខធុរៈភរិយា និងយល់ពីបញ្ហាហិង្សាផ្លូវភេទទៅលើស្រ្ដី។
