លោកតាចាន់ ប៊ុនធឿន ជាព្រឹទ្ធាចារ្យរស់នៅភូមិទៀមលើខេត្តរតនគិរី។ គាត់បានរៀបរាប់អំពីវប្បធម៌អរូបិយក្នុងភូមិរបស់គាត់តាមរយៈការនិទានរឿងមួយដែលដំណាលថា កាលពីឆ្នាំ ១៩៥០អ្នកភូមិធ្លាប់ជួបគ្រោះទឹកជំនន់។ ប៉ុន្ដែមានសត្វអន្សង បានមកជួយអ្នកភូមិ ដោយធ្វើជាស្ពានសម្រាប់ពួកគេឆ្លងទៅទៅដីគោក។ បន្ទាប់មកក៍មានត្រីរមាសបានប្រើកន្ទុយរបស់ពួកគេ ដើម្បីជួយពួកគេទៅដល់ច្រាំង។ ក្នុងពេលនោះដែរក៍មាន ល្ពៅ និងដើមក្តាត បានបញ្ចេញស្លឹករបស់វាដើម្បីគ្របដណ្តប់អ្នកភូមិពីទឹកភ្លៀង និងជួយសង្គ្រោះពួកគេពីសេចក្ដីស្លាប់។ ហើយរឿងនិទាននេះបានក្លាយជាជំនឿក្នុងចំណោមជំនឿនិងប្រពៃណីជាច្រើនរបស់ជនជាតិដើមភាគតិចនៅភូមិទៀមលើ។