អ៊ុំស្រី នឹម នីមជាអ្នកលក់ដំឡូងស្ងោរ ចេកស្ងោរនៅក្នុងរាជធានីភ្នំពេញ។​ គាត់ជាមនុស្សស្រីម្នាក់ដែលមានការតស៊ូក្នុងជីវិតដើម្បីគ្រួសារ។ ជារៀងរាល់ថ្ងៃ គាត់ត្រូវក្រោកពីយប់នៅម៉ោង២​ ដើម្បីរៀបចំស្ងោរដំឡូង ហើយនៅពេលព្រឹកព្រលឹម គាត់ត្រូវចេញទៅលក់រហូតដល់ម៉ោង១២ថ្ងៃត្រង់ ទើបគាត់បានមកដល់ផ្ទះវិញ។ ក្រោយពីបានសម្រាកហូបអាហារថ្ងៃត្រង់ហើយ គាត់ត្រូវទៅរៀបចំចិតដំឡូង លាងចេកបន្ថែមទៀតរហូតដល់យប់ជ្រៅ។ ជីវិតរបស់គាត់មិនដែលមានពេលទំនេរសោះឡើយ គឺមានតែការប្រឹងដើម្បីគ្រួសារគាត់តែប៉ុណ្ណោះ។