សម្លរម្សៅ
សង្ខេបរឿង
អ៊ំស្រី ចាត តូច អាយុ៥០ឆ្នាំ រស់នៅភូមិឡូន ឃុំយក្ខឡោម ស្រុកបានលុង ខេត្តរតនគិរី ជាជនជាតិដើមភាគតិចទំពួន គាត់បានចែករំលែកពីប្រវត្តិសម្លរម្សៅដែលវាជាប្រពៃណីមានតាំងពីដូនតាមកម្លេះ សម្លរម្សៅជាអត្តសញ្ណាណរបស់ជនជាតិដើមភាគតិចទំពួន គេធ្វើមុខម្ហូបនេះនៅពេលធ្វើបុណ្យធ្វើទានផ្សេងៗចង់ឲ្យបងប្អូនកូនក្មួយ ក្មេងៗជំនាន់ក្រោយឲ្យពួកគាត់បានស្គាល់ ព្រោះពួកគាត់មិនទាន់ស្គាល់ពីសម្លរម្សៅ ។
ប្រវត្តិរូបសង្ខេប
នាងខ្ញុំ ឈ្មោះ ញ៉ច រឿន ភេទ ស្រី ជនជាតិ ទំពួន សញ្ចាតិ ខ្មែរ អាយុ២០ឆ្នាំ រស់នៅភូមិឡូន សង្កាត់យក្ខឡោម ក្រុងបានលុង ខេត្តរតនគិរី។ នាងបានទទួលបានឳកាសចូលរៀនវគ្គផលិតកុនឯកសារជាមួយមជ្ឈមណ្ឌលបុប្ផាណ ក្រោមប្រធានបទស្តីពី “ការកសាងសមត្ថភាពយុវជនជនជាតិដើមភាគតិចនឹងបង្កើតបណ្ណសោទស្សន៍ជនជាតិដើមភាគតិចនៅកម្ពុជា តាមរយះវីគីមីឌៀ” កញ្ញាបានសិក្សាស្រាវជ្រាវ និងបានផលិតវីដេអូអំពីស្រី្តមា្នក់នៅក្នុងភូមិរបស់នាង រៀបរាប់ពីប្រវត្តិម្ហូបមួយប្រភេទជាអត្តសញ្ញាណរបស់ជនជាតិទំពួន ក្រោមចំណងជើងថា “សម្លរម្សៅ”។
ចំណាប់អារម្មណ៍
បានជានាងថតរឿងនេះ ព្រោះនាងចង់ចងក្រងមុខម្ហូបរបស់ជនជាតិដើមភាគតិចទំពួនទុកជាឯកសារ និងបង្ហាញពីអត្តសញ្ញាវប្បធម៌ប្រពៃណីរបស់ជនជាតិដើមភាគតិចទំពួន ដើម្បីឲ្យបងប្អូនញាតិមិត្ត ក៏ដូចជាសាសន៍ដទៃទៀតបានស្គាល់ពីមុខម្ហូបជនជាតិដើមភាគតិចទំពួន ។
