សង្ខេបរឿង

នៅក្នុងសហគមន៍របស់ជនជាតិដើមភាគតិចមានការនិយមប្រើប្រាស់របស់របរជាច្រើនទាក់ទងនិងការតម្បាញដូចជាកាផា ចង្អេ ល្អី​ និងរបស់របរផ្សេងៗជាច្រើនទៀត។ បើយើងក្រលេកមើលនៅក្នុងគ្រួសារកាចក់មួយដែររស់នៅក្នុងភូមិកាជូត ឃុំញ៉ាង ស្រុកអណ្តូងមាស ខេត្តរតនគិរី ជាជនជាតិដើមភាគតិច គាត់បានប្រកបមុខរបរជាកសិករ និងតម្បាញរបស់របរប្រើប្រាស់ពីដើមឬស្សី ការរស់នៅពឹងផ្អែកលើធម្មជាតិមកប្រើប្រាស់ តែបច្ចុប្បន្ននេះ ដីត្រូវបានគេចាប់យក កាប់សម្អាតសម្រាប់ធ្វើចំការអស់ហើយ ធ្វើឲពួកគាត់ពិបាករកឬស្សីយកមកតម្បាញដើម្បីប្រើប្រាស់ប្រចាំថ្ងែ។ គាត់មិនដែលបោះបង់ តែគាត់បន្តការតម្បាញ ព្រោះរបស់ទាំងនេះសំខាន់ណាស់សម្រាប់ប្រើប្រាស់ប្រចាំថ្ងែពួកគាត់ ទោះបីជាស្ថិតនៅក្នុងការលំបាកណាមួយក៏ដោយ។​

ប្រវត្តិរូបសង្ខេប

កញ្ញា សល់ កញ្ញា ជាជនជាតិដើមភាគតិច កាចក់ ទីកន្លែងកំណើត និងលំនៅបច្ចុប្បន្ន៖ ភូមិអូកន្ទិល សង្កាត់ឡាបានសៀក ក្រុងបានលុង ខេត្តរតនគិរី។ នៅក្នុងឆ្នាំ២០២១ នាងបានចូលរួមវគ្គបណ្តុះបណ្តាលស្តីពី “ការកសាងសមត្ថភាពរបស់យុវជនជនជាតិដើមភាគតិច និងបង្កើតបណ្ណសារសោតទស្សន៏ជនជាតិដើមភាគនៅកម្ពុជា តាមរយ:វីគីមីឌៀ” ហើយនាងបានផលិតរឿងខ្លីមួយមានចំណងជើងថា “ឬស្សី”។