ស៊ីក្លូកេរ្តិ៍ខ្មែរ
ដឹកនាំដោយ ឡេង វុនណេង, ឆ្នាំ២០១៩, ១០នាទី, ភាសាខ្មែរ មានអក្សរអង់គ្លេសរត់ពីក្រោម
លោក ប៉ុល ហ៊ន ជាអ្នករត់ស៊ីក្លូនៅម្ដុំផ្សារកណ្ដាល រាជធានីភ្នំពេញ។ អស់រយៈពេល ២៩ ឆ្នាំមកហើយ ដែលលោកបានផ្ញើជីវិតជាមួយនឹងស៊ីក្លូនេះ។ សព្វថ្ងៃ លោកពិបាករកភ្ញៀវខ្លាំងណាស់ ដោយសារតែឥឡូវ គេនិយមជិះតែ Tuk Tuk ឬក៏រ៉ឺម៉កកង់បី។ ក្នុងមួយថ្ងៃ លោករកលុយមិនបាន ២ ម៉ឺនរៀលផង ប៉ុន្តែលោកនៅតែប្រឹងសន្សំលុយដើម្បីផ្ញើទៅប្រពន្ធកូននៅឯស្រុកកំណើត។ មិនតែប៉ុណ្ណោះ លោកក៏មានជំងឺសួត និងរបេងថែមទៀត។ គាត់មិនអាចរកលុយបានគ្រប់គ្រាន់ដើម្បីទិញថ្នាំមកព្យាបាលជំងឺទាំងអស់នេះឡើយ។
