សង្ឃឹមថ្ងៃមួយ
ដឹកនាំដោយ ឌិន រ៉ូដា, ឆ្នាំ២០១៩, ៦នាទី, ភាសាខ្មែរ មានអក្សរអង់គ្លេសរត់ពីក្រោម
កុមារី ចេង ស្រីពៅ ជាកូនទី ៥ ក្នុងចំណោមបងប្អូន ៧ នាក់។ សព្វថ្ងៃ ស្រីពៅ និងប្អូនស្រីរបស់នាង តែងតែដើររើសអេតចាយក្រោមកម្ដៅថ្ងៃដ៏ក្តៅហួតហែង។ លុយបន្តិចបន្តួចដែលរកបាន នាងតែងតែយកឲ្យម្ដាយនាងទៅទិញអង្ករ។ ថ្ងៃដែលស្រីពៅរកលុយបានច្រើន គឺជាថ្ងៃដែលស្រីពៅអាចចេញទៅរៀនបាន។ ក្តីស្រមៃរបស់នាង គឺនាងគ្រាន់តែចង់រៀនឲ្យបានខ្ពង់ខ្ពស់ដូចគេប៉ុណ្ណោះ។ នាងសង្ឃឹមថា ថ្ងៃណាមួយ គ្រួសាររបស់នាងនឹងបានប្រសើរជាងនេះ។
