រយៈពេល ៧១’០៨ នាទី
ឆ្នាំ ២០១៨
ទីកន្លែង : ខេត្តរតនគិរី

លោក​ រចំ ញ៉ុង ​រស់នៅក្នុងភូមិលៀ​​​ ឃុំរំជ ស្រុកអូរយ៉ាដាវ​ ខេត្តរតនគិរី។ នាសម័យសង្គមរាស្រ្តនិយម គាត់បានចូលធ្វើទាហានកុម្មុយនីស្តនៅឯវៀតណាម​។ ក្រោយមក គាត់ក៏បានត្រឡប់មកបម្រើការងារ​នៅខ្មែរវិញ ដោយធ្វើការជាមួយខ្មែរក្រហម ជាមួយនឹងមុខតំណែងជាច្រើន។​ បើទោះជាគាត់បម្រើការឱ្យខ្មែរក្រហមក្តី ប៉ុន្តែគាត់មិនសូវមានគំនិតស្របជាមួយខ្មែរក្រហមប៉ុន្មានឡើយ ឬ​អាចនិយាយបានថាគាត់គឺជាកម្មាភិបាលដែលល្អសម្រាប់ប្រជាជន​ក្នុងជំនាន់នោះ​។​ ចុងក្រោយ គាត់ត្រូវបានខ្មែរក្រហមចាប់​ខ្លួនប្រុងនឹងសម្លាប់ចោល តែគាត់បានរត់គេចខ្លួនរហូតទៅដល់វៀតណាម។ នៅទីនោះ គាត់បានស្គាល់ជាមួយថ្នាក់ដឹកនាំវៀតណាមមួយចំនួន ប៉ុន្តែគាត់មិនត្រូវបានគេទុកចិត្តឡើយ។ ​គាត់​ត្រូវបានគេចាប់ដាក់គុករហូតដល់ឆ្នាំ ១៩៨៤ ទើបគាត់ត្រូវគេបញ្ជូនមកមាតុប្រទេសវិញ​។