[English below] បទក្លង, សារាយអណ្ដែត

មជ្ឈមណ្ឌលបុប្ផាណាសូមជូនបណ្ណសារតន្ត្រីដ៏កម្រមួយគឺបទ “ក្លង” និង “សារាយអណ្ដែត” ប្រគំសាដៀវ និងច្រៀងដោយ ស្រី យឹម ថតដោយ ហ្សាក់ ប្រ៊ុយណេ ក្នុងចន្លោះឆ្នាំ ១៩៦៧-១៩៦៨។

លោក ស្រី យឹម បានប្រគំបទក្លង ហើយបន្ទាប់មកគឺបទសារាយអណ្ដែត ដែលលោកច្រៀងដោយខ្លួនលោកផ្ទាល់។ សាដៀវជាឧបករណ៍ភ្លេងមួយដែលពិបាកប្រគំ និងកម្រប្រើប្រាស់ណាស់នាពេលបច្ចុប្បន្ន។ បច្ចេកទេសនៃការលេងឧបករណ៍នេះគឺអ្នកលេងត្រូវដេញខ្សែដោយក្រចកម្រាមចង្អុល ហើយស្របពេលជាមួយគ្នានោះអ្នកលេងក៏ត្រូវផ្លាស់ប្ដូរបទដោយសង្កត់ខ្សែថ្នមៗជាមួយម្រាមផ្សេងៗ។ ចំណែកដៃឆ្វេងមានតួនាទីបន្ធូរនិងបន្តឹងខ្សែ។ អ្នកលេងត្រូវផ្អឹប ឬបង្ហើបសំបកឃ្លោកចុះឡើងទៅនឹងដើមទ្រូង ដើម្បីឱ្យចេញជាសាច់បទ។ បទសារាយអណ្ដែត ជាបទភ្លេងការដែលអ្នកចម្រៀងច្រៀងរៀបរាប់អំពីផ្កានានាទៅកាន់មនុស្សជាទីស្រលាញ់ ហើយមិនមែនសំដៅតែលើផ្កាសារាយដែលអណ្ដែតប៉ុណ្ណោះទេ។

ការបរិច្ចាគរបស់លោកអ្នកនឹងជួយធ្វើឱ្យសកម្មភាពរបស់មជ្ឈមណ្ឌលបុប្ផាណាអាចបន្តទៅមុខបានក្នុងកាលៈទេសៈដ៏លំបាកនេះ! យើងខ្ញុំសូមថ្លែងអំណរគុណចំពោះការបរិច្ចាគរបស់លោកអ្នកតាមរយៈ Give2Asia ឬ ABA ៖

– Give2Asia: https://give2asia.org/bophana/

– ABA: 000 696 709 (ASSOCIATION … AUDIOVISUELS) Website: https://bophana.org/