ការបំភាន់ភ្នែកដ៏ធំមួយ
ដឹកនាំដោយហ្សង់ រ៉ឺន័រ ១៩៣៧ ១១៥នាទី ភាសាបារាំង និងមានអក្សរអង់គ្លេសពីក្រោម
នៅប្រទេសបារាំងខ្សែភាពយន្តនេះ ទទួលបានជោគជ័យយ៉ាងខ្លាំងនៅក្នុងឆ្នាំ១៩៣៧ ពេលចាក់បញ្ចាំងនៅក្នុងរោងភាពយន្ត។ ភាពយន្តនេះសម្ដែងដោយតារាល្បី ហ្សង់ កាប៊ីន ព្យែរ ហ្វ្រេសណេ និងអេរិក វ៉ុន ស្រូហែម រៀបរាប់ពីរឿងរ៉ាវរបស់ទាហានបារាំងពីរនាក់ ដែលត្រូវចាប់ខ្លួន និងឃុំខ្លួននៅជំរំ P.O.W អាល្លឺម៉ង់ ក្នុងអំឡុងសង្គ្រាមលោកលើកទី១។ ពួកគេព្យាយាមរត់គេចខ្លួនជាច្រើនលើករហូតដល់ត្រូវគេបញ្ជូនខ្លួនទៅកាន់គុកមួយកន្លែង ដែលគ្មានផ្លូវរត់ចេញបាន។ ភាពយន្តនេះល្បីដោយសារតែគោលជំហរប្រឆាំងនឹងជាតិនិយម ការរើសអើងទៅលើជនជាតិជ្វីហ្វ និងសង្គ្រាម។ ម្យ៉ាងទៀត ភាពយន្តនេះត្រូវបានហាមឃាត់ដោយរបបណាហ្ស៊ីក្រោមការគ្រប់គ្រងរបស់អាល្លឺម៉ង់នៅក្នុងប្រទេសបារាំង។
ទស្សនាដោយសេរី
