ភាពយន្តឯកសារទាំងនេះគឺជាស្នាដៃរបស់សិក្ខាកាមដែលបានសិក្សាជំនាញផលិតភាពយន្តឯកសារនៅមជ្ឈមណ្ឌលបុប្ផាណាក្រោមគម្រោង ​«ការបណ្តុះបណ្តាលជំនាញផលិតភាពយន្តនិងការលើកកម្ពស់ការផ្លាស់ប្តូរការសិក្សានិងការអភិវឌ្ឍផ្នែកបណ្ណសារ តាមរយៈការផលិតភាពយន្តនៅកម្ពុជា»​ អនុវត្តដោយមជ្ឈមណ្ឌលធនធានសោតទស្សន៍បុប្ផាណា ក្រោមជំនួយឧបត្ថម្ភពីមូលនិធិហេនរីលូស៍ (Henry Luce Foundation)។

ភាពយន្តទាំងអស់នេះបង្រួមរឿងរ៉ាវផ្ទាល់ខ្លួន ដែលត្រូវបានបង្កើតឡើងដោយការចងចាំ ប្រវត្តិសាស្ត្រ និងការផ្លាស់ប្តូរ។ វាឆ្លុះបញ្ចាំងអំពីដំណើរជីវិតរបស់បុគ្គល ការបង្ហាញសិល្បៈ និងឥទ្ធិពលនៃការផ្លាស់ប្តូរសង្គម និងសេដ្ឋកិច្ច។ តាមរយៈការបង្ហាញជីវិតជិតស្និទ្ធ វាស្វែងយល់ពីរបៀបដែលមនុស្សចងចាំអតីតកាល ប្រឈមមុខនឹងបច្ចុប្បន្ន និងអនាគតរបស់ពួកគេ។

ថ្ងៃសៅរ៍ ទី​១៦ ខែឧសភា ឆ្នាំ២០២៦ វេលាម៉ោង៥ល្ងាច នៅមជ្ឈមណ្ឌលបុប្ផាណា។