ដំណេកមាស
ផលិតដោយ ឈូ ដាវី, ៩៦នាទី, ២០១១, ភាសាខ្មែរ, អង់គ្លេស
ភាពយន្តខ្មែរចាប់កំណើតក្នុងឆ្នាំ១៩៦០និងបានបញ្ចប់ទៅវិញក្នុងឆ្នាំ១៩៧៥ នៅពេលខ្មែរក្រហមកាន់អំណាច។ រយៈពេល១៥ឆ្នាំនេះ ខ្មែរបានផលិតបានប្រមាណជិត៤០០រឿង។ បច្ចុប្បន្នភាពយន្ដទាំងនោះបានបាត់បង់អស់ នៅសល់ប្រមាណជា៣០រឿង តារាភាពយន្ដត្រូវបានសម្លាប់ក្នុងសម័យក្រហម និងរោងភាពយន្ដបានក្លាយទៅជាភោជនីយដ្ឋាន ឬខារ៉ាអូខេ។ ភាពយន្តឯកសារនេះ បានស្រង់សំដីអ្នកដែលនៅរស់រានមានជីវិត និងចង់រំលឹកពីវិស័យភាពយន្ដនាសម័យនោះឲ្យគេស្គាល់ឡើងវិញ។ លោក ដាវី ឈូ អ្នកដឹកនាំនេះ ជាជនជាតិបារាំងដើមកំណើតខ្មែរ។ លោកជាចៅប្រុសរបស់លោក វណ្ណ ចន្ទ ដែលជាអតីតចាងហ្វាងផលិតកម្មខ្មែរនាឆ្នាំ៦០ដ៏ធំមួយ។
ថ្ងៃសៅរ៍ ទី២៧ ខែសីហា ឆ្នាំ២០២២, នៅវេលាម៉ោង ៥:០០ល្ងាច នៅមជ្ឈមណ្ឌលបុប្ជាណា។