ភាពយន្តឯកសារ «ប្រទេសនៃឆ្មាំអមតៈ» ផលិតឡើងនៅក្នុងឆ្នាំ២០០៣ ដែលមានរយៈពេល១ម៉ោង១៥នាទី ដឹកនាំរឿងដោយលោក កែវ កុសល ណារ៉ា ដែលបច្ចុប្បន្នលោកជាអ្នករៀបចំកម្មវិធីភាពយន្តនៃមហោស្រពភាពយន្ត កាន់តែឆ្ងាយ កាន់តែជិត (Festival Si loin, si proche) ដែលជាកម្មវិធីបង្ហាញភាពយន្តនិយាយអំពីប្រទេសកម្ពុជា ឡាវ និងវៀតណាម នៅក្នុងប្រទេសបារាំង។

ភាពយន្តនេះ ជារឿងរ៉ាវនៃជំនួបគ្នារវាងប្រទេសកម្ពុជា និងអ្នកដឹកនាំរឿង Bertrand Tavernier ដែលបានមកទីនេះ ដើម្បីផលិតភាពយន្ត Holly Lola។ ភាពយន្តនេះ ក៏បង្ហាញពីរឿងរ៉ាវនៃជំនួបរបស់សិល្បករ និងអ្នកបច្ចេកទេសផ្នែកភាពយន្តកម្ពុជានិងបារាំង ក្នុងកំលុងពេលផលិតភាពយន្តនេះ(Holly Lola)ផងដែរ។ ប៉ុន្តែលើសពីនេះទៅទៀត វាគឺជារឿងរ៉ាវផ្ទាល់ខ្លួនរបស់លោក កែវ កុសល ណារ៉ា ដែលបានវិលត្រឡប់មកប្រទេសកម្ពុជាដែលជាប្រទេសកំណើតរបស់គាត់វិញ ដើម្បីភ្ជាប់ទំនាក់ទំនងជាមួយនឹងឫសគល់របស់គាត់ និងរៀនភាសាខ្មែរឡើងវិញ។

បន្ទាប់ពីការចាក់បញ្ចាំងភាពយន្តនេះ យើងនឹងមានកម្មវិធីជជែកពិភាក្សាជាមួយវាគ្មិនអំពីដំណើរការនៃការផលិតភាពយន្តនេះ ក៏ដូចជាដំណើរការនៃការជ្រើសរើសភាពយន្តនានាមកពីប្រទេសកម្ពុជា ឡាវ និងវៀតណាម នៅក្នុងមហោស្រពភាពយន្តកាន់តែឆ្ងាយ កាន់តែជិត (Festival Si loin, Si proche)។

. ថ្ងៃទី១៩ ខែសីហា ឆ្នាំ២០២៦

. វេលាម៉ោង៦:០០​ – ៨:០០​ យប់

. ចូលរួមដោយសេរី​ នៅមជ្ឈមណ្ឌលបុប្ផាណា