រដូវត្នោតផ្កា
ដោយ ម៉ៅ អាយុទ្ធ និង លីម ក្វាង ង៉ុក, ២៤ នាទី, ១៩៨០, ភាសាខ្មែរ
ភាពយន្ដឯកសារនេះ បង្ហាញអំពីដើមត្នោត៖ លក្ខណៈទូទៅរបស់ដើមត្នោត ពីការដាំរហូតដល់ការទាញយកអត្ថប្រយោជន៍ពីដើមត្នោត។ តាមរយៈឯកសារនេះ យើងអាចមើលឃើញដំណើរជីវិតប្រចាំថ្ងៃនៅតាមទីជនបទស្រែចំការ។ ការរំលឹកឡើងវិញអំពីប្រវត្តិសាស្ដ្ររបបខ្មែរក្រហមតាមរយៈការសំដែងល្ខោននិងរបាំផ្សេងៗ។ការបង្ហាញពីភាពរស់ឡើងវិញនៃទីក្រុងភ្នំពេញ ការយកចិត្តទុកដាក់និងអប់រំដល់កុមារៗ ព្រមទាំងការបើកទ្វារដំណើរការជាថ្មីនៃរោងចក្រស្កសរក្នុងខេត្តកំពង់ស្ពឺ
កម្មវិធីទី១៖ ដើមត្នោត / ការអប់រំ
ដោយ UNDP និង TVK , ៣៧ នាទី ២០០៧, ភាសាខ្មែរ មានអក្សរអង់គ្លេសរត់ពីក្រោម
នេះជាការចាក់ផ្សាយលើកដំបូងរបស់កម្មវិធីសមធម៌ប្រចាំសប្ដាហ៍។ ទស្សនាវដ្ដីនេះចែកចេញជា៦ផ្នែក។ ផ្នែកទី១មានរយៈពេល៦នាទី និងបង្ហាញពីសន្និសីទកាសែតបើកកម្មវិធី«សមធម៌ប្រចាំសប្ដាហ៍» រៀបចំឡើងនៅ ក្រសួងព័ត៌មាន ក្រោមអធិបតីភាពរបស់លោករដ្ឋមន្ត្រី ខៀវ កាញារីទ្ធ។ ផ្នែកទី២មានរយៈពេល ៨ នាទី និយាយពីការផលិតស្ករត្នោតនៅខេត្តកំពង់ឆ្នាំង។ ផ្នែកទី៣មានរយៈពេល ១៧ នាទី គឺជាកិច្ចពិភាក្សាស្ដីអំពីការអប់រំអមដោយបទយកការណ៍ជាច្រើន ហើយកិច្ចពិភាក្សានេះដឹកនាំដោយអ្នកយកព័ត៌មាន អ្នកស្រីនង ធួក និងភ្ញៀវកិត្តិយសមួយរូប គឺលោកកែវ សារ៉ាត់ ប្រធានកម្មវិធីអប់រំមូលដ្ឋាននៃអង្គការណ័កវ៉ែសសង្គ្រោះកុមារ។ ផ្នែកទី ៤ គឺជាកិច្ចសម្ភាសន៍ជាមួយអ្នកតំណាងរាស្ត្រនៅរដ្ឋសភាជាតិ ធ្វើឡើងដោយអ្នកយកព័ត៌មានអ៊ុយ ប៊ុនមី ដែលមាន រយៈពេល ៤ នាទី ។ ផ្នែកទី៥គឺជាបទសម្ភាសន៍ពីចំណាប់អារម្មណ៍របស់ប្រជាពលរដ្ឋនៅទីក្រុងភ្នំពេញទៅលើកម្មវិធីសមធម៌ប្រចាំសប្ដាហ៍ដែលមានរយៈពេល ១ នាទី ។ ផ្នែកចុងក្រោយបង្ហាញពីចំណាប់អារម្មណ៍របស់កម្មវិធីសមធម៌ប្រចាំសប្ដាហ៍ស្ដីអំពីផលប៉ះពាល់របស់ស្បោងប្លាស្ទិកលើបរិស្ថាន ដែលមានរយៈពេល ១ នាទី ។
ថ្ងៃសៅរ៍ ទី៣០ ខែកក្កដា ឆ្នាំ២០២២, នៅវេលាម៉ោង ៥:០០ល្ងាច នៅមជ្ឈមណ្ឌលបុប្ជាណា។