ការបើកពិព័រណ៍ ស្តីពី “ កិច្ចសហប្រតិបត្តិការអភិវឌ្ឍន៍ឆែក ”
រៀបចំដោយ ស្ថានទូតសាធារណរដ្ឋឆែក
ចាប់ពីថ្ងៃទី ១៩ខែកក្កដា ដល់ថ្ងៃទី ០១ខែសីហា ឆ្នាំ២០២២ នៅមជ្ឈមណ្ឌលបុប្ផាណា
ពេលព្រឹកចាប់ពីម៉ោង ៨:០០ព្រឹក ដល់ ១២:០០រសៀល និងពេលរសៀលចាប់ពីម៉ោង ២:០០រសៀល ដល់ ៦:០០ល្ងាច។
សម្ពោធពិព័រណ៍នៅថ្ងៃទី១៩ ខែកក្កដា
សាធារណរដ្ឋឆែក និងព្រះរាជាណាចក្រកម្ពុជា បានរក្សាទំនាក់ទំនងការទូតអស់រយៈពេល ៦៦ ឆ្នាំមកហើយ។ ប្រទេសឆេកូស្លូវ៉ាគី ក្រោយមកជាសាធារណរដ្ឋឆែក បានផ្តល់កិច្ចសហប្រតិបត្តិការអភិវឌ្ឍន៍ដល់ប្រទេសកម្ពុជា ដែលមួយផ្នែកជាអាហារូបករណ៍របស់រដ្ឋាភិបាល។ និស្សិតកម្ពុជាដំបូងគេបានទៅដល់ប្រទេសឆេកូស្លូវ៉ាគីក្នុងឆ្នាំ ១៩៨១។ ក្នុងរយៈពេលជាង ៤ ទស្សវត្ស អតីតនិស្សិតជិត ៤០០ នាក់បានបញ្ចប់ការសិក្សាពីសាកលវិទ្យាល័យឆេកូស្លូវ៉ាគី និងឆែក ហើយជាលទ្ធផលបានរួមចំណែកយ៉ាងសំខាន់ក្នុងការអភិវឌ្ឍន៍ព្រះរាជាណាចក្រកម្ពុជាដែលមានភាពទាន់សម័យ និងជឿនលឿន។ ទាំងនេះត្រូវបានលើកទឹកចិត្តដ៏មុតមាំ ដោយសារការគង់ និងសិក្សាប្រកបដោយជោគជ័យនៅទីក្រុងប្រាករបស់ព្រះមហាក្សត្រនៃព្រះរាជាណាចក្រកម្ពុជា ព្រះបាទនរោត្តម សីហមុនី ជានិស្សិត “ឆែក” ដ៏លេចធ្លោទូទាំងពិភពលោកចន្លោះឆ្នាំ ១៩៦២ ដល់ ១៩៧៥។
ក្នុងឆ្នាំ ២០១០ កម្ពុជាក្លាយជាប្រទេសដៃគូមួយក្នុងចំណោមប្រទេសដៃគូទាំង ១០ សម្រាប់កិច្ចសហប្រតិបត្តិការអភិវឌ្ឍដែលត្រូវបានជ្រើសដោយរដ្ឋាភិបាលឆែក ហើយបានបង្កើតឱកាសថ្មីសម្រាប់កិច្ចសហប្រតិបត្តិការក្នុងវិស័យសុខាភិបាល និងអប់រំ។ ភាពជាដៃគូត្រូវបានពង្រឹងដោយកម្មវិធីទ្វេភាគីសម្រាប់កិច្ចសហប្រតិបត្តិការអភិវឌ្ឍ ពីឆ្នាំ ២០១៨ ដល់ឆ្នាំ ២០២៣។ កម្មវិធីថ្មីសម្រាប់រយៈពេលបន្ទាប់គឺស្ថិតនៅក្រោមការរៀបចំរួចហើយ។
នៅឆ្នាំ ២០០៤ សាធារណរដ្ឋឆែកបានក្លាយជាសមាជិកនៃសហភាពអឺរ៉ុប ដែលអនុញ្ញាតឱ្យខ្លួនចូលរួមក្នុងយុទ្ធសាស្រ្តទូលំទូលាយ និងធ្វើការលើចក្ខុវិស័យរួមគ្នាជាមួយដៃគូអភិវឌ្ឍន៍អឺរ៉ុប។ នៅឆ្នាំនេះ សាធារណរដ្ឋឆែក មានកិត្តិយសក្នុងការធ្វើជាប្រធានលើកទីពីរនៃក្រុមប្រឹក្សាសហភាពអឺរ៉ុប ដែលបានចាប់ផ្តើមកាលពីថ្ងៃទី ១ ខែកក្កដា ឆ្នាំ ២០២២។
តាមរយៈការតាំងពិព័រណ៌នាពេលនេះ ស្ថានទូតសាធារណរដ្ឋឆែកមានបំណងរំលឹកដល់កិច្ចសហប្រតិបត្តិការដ៏យូរអង្វែងជាមួយប្រទេសកម្ពុជា និងចែករំលែកការអនុវត្តល្អៗពីគម្រោងអភិវឌ្ឍន៍របស់សាធារណរដ្ឋឆែក។ ផ្នែកមួយនៃការតាំងពិព័រណ៌គឺត្រូវបានឧទ្ទិសដល់ប្រវត្តិសាស្ដ្រ និងពេលបច្ចុប្បន្ននៃទំនាក់ទំនងរវាងប្រទេសទាំងពីរដែលបានកំណត់ដោយសក្តានុពលភាព និងមិត្តភាពដែលអ្នកទស្សនានឹងទទួលបានបទពិសោធន៍ពីទីតាំងពិព័រណ៌នេះ។
ពិធីបើកការតាំងពិព័រណ៌នឹងប្រព្រឹត្តទៅនៅមជ្ឈមណ្ឌលធនធានសោតទស្សន៍បុប្ផាណា នៅថ្ងៃទី ១៩ ខែកក្កដា ឆ្នាំ ២០២២ វេលាម៉ោង ៥:៣០ ល្ងាច ក្រោមវត្តមាន ឯកឧត្តម យក់ ង៉ុយ រដ្ឋលេខាធិការក្រសួងអប់រំ យុវជន និងកីឡា នៃព្រះរាជាណាចក្រកម្ពុជា។ ពិព័រណ៌នេះនឹងបន្តស្ថិតនៅមជ្ឈមណ្ឌលបុប្ផាណារហូតដល់ថ្ងៃទី ១ ខែសីហា ឆ្នាំ ២០២២ សម្រាប់ការចូលទស្សនាដោយសេរី៕
ទំនាក់ទំនង
ស្ថានទូតសាធារណរដ្ឋឆែក
អ្នកនាង បាបូរ៉ា ចាចកូវ៉ា, ប្រធានផ្នែកអភិវឌ្ឍន៍
អ៊ីមែល៖ development_phnompenh@mzv.cz
ទូរស័ព្ទលេខ៖ ០២៣ ៧២៦៦២៣