សម្ពោធន៍ពិព័រណ៍រូបថត និងកំណាព្យ ”ទំនាក់ទំនងមិត្តភាពនៃសកម្មភាពមនុស្សធម៍”
ការចាក់បញ្ខាំងរឿងខ្លីចំនួនពីររឿងមុននឹងចាប់ផ្ដើមកម្មវិធី
កុមារកម្ពុជា៖ ខំប្រឹងដើម្បីអនាគតរបស់ខ្លួន ផលិតដោយធនាគារអភិវឌ្ឈន៍អាស៊ី ១១នាទី ពណ៌ធម្មជាតិ ១៩៩៦ ភាសាអង់គ្លេស
រយៈពេលពីរទសវត្សក្រោយពីសង្រ្គាម និងភាពហិនហោច ប្រទេសកម្ពុជាចាប់ផ្តើមជាថ្មីម្តងទៀតលើគ្រប់វិស័យ ជាពិសេស វិស័យអប់រំ។ឯកសារវីដេអូនេះបង្ហាញពីកិច្ចខំប្រឹងប្រែងរបស់ប្រទេសកម្ពុជាដើម្បីលើកស្ទួយវិស័យអប់រំសម្រាប់អនាគតកូនចៅជំនាន់ក្រោយ។
ជីវិតត្រូវតស៊ូ, ផលិតដោយ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៏ ១៤នាទី ពណ៌ធម្មជាតិ ២០១១ ភាសាខ្មែរ និងមានអក្សរអង់គ្លេសរត់ពីក្រោម
រី គីម អាយុ១៧ឆ្នាំ ជាសិស្សថ្នាក់ទី៧ រស់នៅក្នុងភូមិប្រាសាទ ស្រុកអង្គរធំ ខេត្តសៀមរាប។ ជាក្មេងកំព្រាឪពុកម្ដាយតាំងពីតូច នាងត្រូវរស់នៅតែម្នាក់ឯងបន្ទាប់ពីបងស្រីរបស់នាងចេញទៅធ្វើការនៅប្រទេសថៃ បន្ទាប់មកក៏បាត់ដំណឹងសូន្យ។ ត្បិតតែជាក្មេងស្រីខ្លួនមួយត្រូវដោះស្រាយបញ្ហាជីវភាពដោយខ្លួនឯង ពុំមានអ្នកជួយទំនុកបម្រុង ក្រៅតែពីការជួយជាសម្ភារៈសិក្សាពីអង្គការមួយចំនួន តែយ៉ាងណានាងក៏មិនបោះបង់ចោលការសិក្សាដែរ ដោយនាងសង្ឃឹមថា នាងនឹងអាចក្លាយជាគ្រួពេទ្យ ឬបុគ្គលិកអង្គការទៅថ្ងៃអនាគត។
ម៉ោង៦ចាប់ផ្តើមបើកក្មវិធីដែលមានការធ្វើបទបង្ហាញជា៤ភាសា ខ្មែរ អង់គ្លេស ជប៉ុន បារាំង និងការទស្សនាពិព័រណ៍ជាមួយអាហារសម្រន់ ។
ចូលរួមដោយសេរី !!!
