ពិព័រណ៍ “អ្នកមិនឯកាទេ!”

រៀបចំដោយ InSTEDD iLab Southeast Asia

ចាប់ពីថ្ងៃទី ២១ កញ្ញា ដល់ថ្ងៃទី ៣០ កញ្ញា
សម្ពោធពិព័រណ៍នៅថ្ងៃទី ២៥ កញ្ញា វេលាម៉ោង ៦ ល្ងាច (សម្រាប់អ្នកដែលត្រូវបានអញ្ជើញប៉ុណ្ណោះ)

“អ្នកមិនឯកាទេ!” នាំមកជូននូវរឿងរ៉ាវពិត និងចំណាប់អារម្មណ៍របស់បុគ្គលខ្មែរមួយចំនួនដែលបានទទួលរងផលប៉ះពាល់ពីកូវីដ-១៩ ក្នុងអំឡុងពេលដែលស្ថានការណ៍របស់ជំងឺនេះមិនទាន់ស្ថិតក្រោមការគ្រប់គ្រងបាននៅឡើយ ដោយតម្រូវឱ្យមានការបិទអាជីវកម្មមួយចំនួន និងអនុវត្តគោលការណ៍នៅផ្ទះដើម្បីសុវត្ថិភាព។

រឿងរ៉ាវទាំងនេះត្រូវបានប្រមូលចងក្រងឡើងដោយ ពិដោរ ដែលជាអ្នកចូលចិត្តក្នុងការប្រមូលរឿងរ៉ាវក្នុងសហគមន៍ ក៏ដូចជាមន្ត្រីផ្នែកទំនាក់ទំនងនៃ InSTEDD iLab SEA ដែលជាអ្នកផ្តួចផ្តើម និងគាំទ្រការតាំងពិព័រណ៍មួយនេះ។ ពិព័រណ៍នេះក៏នឹងនាំមកនូវទិដ្ឋភាពមួយចំនួនរបស់ក្រុមគ្រូពេទ្យជួរមុខដែលប្រែសម្រួលដោយអ្នកថតរូបដ៏មានទេពកោសល្យម្នាក់ Miguel ដើម្បីជាការដឹងគុណសម្រាប់ការលះបង់ និងខិតខំប្រឹងប្រែងបំពេញការងាររបស់ពួកគាត់។ ក្រៅពីនេះ “អ្នកមិនឯកាទេ!” នឹងត្រូវបានអមដោយស្នាដៃរចនាឌីជីថលចំនួនបីសន្លឹកដែលធ្វើដោយវិចិត្រករ ទីល និងវីដេអូឯកសារខ្លីមួយផលិតដោយ InSTEDD ស្តីពី “តើប្រទេសដ៏តូចមួយដូចជាកម្ពុជាត្រូវគ្រប់គ្រងស្ថានការណ៍ជំងឺកូវីដ-១៩ មិនឱ្យរីករាលដាលនៅក្នុងសហគមន៍បានដោយរបៀបណា?”

សាធារណជនអាចចូលទស្សនាពិព័រណ៍នេះ ដោយរក្សាគម្លាតសុវត្ថិភាពពីគ្នាយ៉ាងតិច ២ ម៉ែត្រ។ ហើយសូមកុំភ្លេចពាក់ម៉ាស និងលាងសម្អាតដៃរបស់លោកអ្នក។ សូមអរគុណយ៉ាងជ្រាលជ្រៅចំពោះកិច្ចសហការដើម្បីបង្ការពីជំងឺកូវីដ-១៩។

ទស្សនាដោយសេរី

avatar
  • September 21, 2020 · 8:00 am
  • Bophana Center
  • Exhibitions