ជ្រកក្រោមម្លប់អង្គរ
ពិព័រណ៍រូបថត, ថតរូបដោយ ហ្សង់ ប៊ូលប៊េ (Jean Boulbet)
ថតរូបដោយ ហ្សង់ ប៊ូលប៊េ (Jean Boulbet)
ចាប់ពីថ្ងៃទី២៨ មករា ដល់ថ្ងៃទី១៣ កុម្ភៈ ២០២១ នៅមជ្ឈមណ្ឌលបុប្ផាណា (ទស្សនាដោយសេរី)
នៅខែមីនា ឆ្នាំ១៩៧០ អាមេរិចកាំងបានទម្លាក់គ្រាប់បែកនៅភាគខាងជើងនៃប្រទេសកម្ពុជាក្នុងគោលបំណងបំផ្លាញមូលដ្ឋានកុម្មុយនីស្តវៀតណាមដែលបានបោះទីតាំងនៅទីនោះ។ ស្របគ្នានោះដែរ ផ្ទាំងប៉ាណូធំៗ និងមានផ្ទៃពណ៌ស អាចមើលឃើញពីលើយន្តហោះ ត្រូវបានដាក់តាំងដោយអង្គការយូណេស្កូ ដើម្បីការពារតំបន់អង្គរ។ ក្នុងរយៈពេលតែមួយឆ្នាំកន្លះ ប្រជាជនក្នុងតំបន់នោះបានមកតាំងលំនៅដ្ឋាននៅក្នុងប្រាសាទសំខាន់ៗមួយចំនួន ដែលរយ:ពេល៥សតវត្សរ៍មកហើយ នៅក្នុងប្រាសាទទាំងនេះ ពុំមាននរណារស់នៅឡើយ។
ដោយយោងទៅតាមលក្ខណៈពិសេស និងស្ទើរតែខុសសម័យកាលនៃស្ថានភាពនេះ លោក ហ្សង់ ប៊ូលប៊េ ជាអ្នកគូរផែនទីប្រចាំសាលាបារាំងចុងបូព៌ាចាប់តាំងពីខែមករា ឆ្នាំ១៩៦៦ មក បានចងក្រងជាឯកសាររាល់សកម្មភាពប្រចាំថ្ងៃរបស់ប្រជាជនថ្មីនៅក្នុងតំបន់ប្រវត្តិសាស្រ្តនេះ។
“ជ្រកក្រោមម្លប់អង្គរ” បង្ហាញរូបថត៧សន្លឹកក្នុងចំណោមរូបថតសរុបទាំង ៣៧ ដែលលោក ហ្សង់ ប៊ូលប៊េ បានថតក្នុងឆ្នាំ១៩៧០ ហើយរូបទាំងនោះរំលេចពីជីវភាពប្រចាំថ្ងៃរបស់ជនភៀសខ្លួនដែលបានមកតាំងលំនៅដ្ឋានក្នុងបា្រសាទសំខាន់ៗនៃតំបន់អង្គរ។
សាធារណជនអាចចូលទស្សនាពិព័រណ៍នេះ ដោយរក្សាគម្លាតសុវត្ថិភាពពីគ្នាយ៉ាងតិច ២ ម៉ែត្រ។ ហើយសូមកុំភ្លេចពាក់ម៉ាស និងលាងសម្អាតដៃរបស់លោកអ្នក។ សូមអរគុណយ៉ាងជ្រាលជ្រៅចំពោះកិច្ចសហការដើម្បីបង្ការពីជំងឺកូវីដ-១៩។
ប្រភពរូបភាពខាងស្ដាំ៖ Temples d’Angkor ផលិតដោយ Pierre Dumayet ឆ្នាំ១៩៧០
