HEAD-ON
ដឹកនាំដោយ ហ្វាទី អាគិន, ១១៨នាទី, ២០០៤, ភាសាអាល្លឺម៉ង់/តួគី អក្សរអង់គ្លេសរត់ពីក្រោម
HEAD-ON ជាខ្សែភាពយន្តប្រចាំឆ្នាំដែលទទួលបានការគាំទ្រយ៉ាងច្រើន។ ខ្សែភាពយន្តនេះនិយាយពីជនជាតិតួគី-អាឡឺម៉ង់ពីរនាក់ ដែលបង្ខំចិត្តរៀបការជាមួយគ្នា ដើម្បីផលចំណេញរៀងខ្លួន។ ក្នុងវ័យ៤០ឆ្នាំ Cahit Tomruk បានប្រើជីវិតប៉ោឡែ ជក់កញ្ឆា ផឹកស្រាស្រវឹងជោក ព្រោះតែប្រពន្ធជាទីស្រឡាញ់របស់គាត់ស្លាប់ចោល។ យប់មួយ គាត់បើកឡានបំបុកជញ្ជាំងស្ទើរតែបាត់បង់ជីវិត។ គាត់ត្រូវបានគេបញ្ជូនទៅមន្ទីរពេទ្យវិកលចរិត ដែលទីនោះគាត់ជួបនារីម្នាក់ឈ្មោះ Sibel ដែលធ្លាប់ព្យាយាមសម្លាប់ខ្លួន។ Sibel បានបញ្ចុះបញ្ចូលគាត់ឲ្យព្រមរៀបការជាមួយនាង ព្រោះគ្រួសាររបស់នាងនឹងបង្ខំនាងរៀបការជាមួយបុរសជនជាតិតួគីដែលពួកគាត់ជ្រើសរើសឲ្យ។ នាងក៏បានដាក់សំណើរឲ្យ Cahit៖ នាងជាអ្នកចម្អិនអាហារ សំអាតផ្ទះឲ្យគាត់ ហើយពួកគេអាចរាប់អានជាអ្នកផ្សេងទៀតបាន។ តែថាភាពរ៉ូមែនទិកប្លែកមួយក៏បានកើតឡើងរវាងអ្នកទាំងពីរ។