ស្នាដៃ និងបទពិសោធរបស់ នាង កាវិច ជាមួយភាពយន្ត – Online
នាង កាវិច គឺជាអ្នកចូលចិត្តទស្សនាភាពយន្ត ហើយក៏ជាអ្នកផលិតភាពយន្តមួយរូប។ គាត់បានដឹកនាំខ្សែភាពយន្តជាច្រើនរួមមាន A Scale Boy (២០១០, ភាពយន្តឯកសារខ្លី), ខ្ញុំទៅណា (២០១៣, ភាពយន្តឯកសារខ្នាតមធ្យម), កង់បី (២០១៥, ភាពយន្តខ្លី), លាហើយភ្នំពេញ (២០១៥, ភាពយន្តខ្លី), ដីថ្មីផ្លូវខូច (២០១៨, ភាពយន្តខ្លី)…។
នាថ្ងៃសៅរ៍សប្ដាហ៍នេះ គាត់នឹងចូលរួមក្នុងកម្មវិធី “ភាពយន្តថ្ងៃសៅរ៍Online” របស់មជ្ឈមណ្ឌលបុប្ផាណា ដោយគាត់នឹងបង្ហាញលោកអ្នកអំពីស្នាដៃ និងបទពិសោធដែលគាត់បានឆ្លងកាត់ជាមួយនឹងភាពយន្ត។
ភាពយន្តខ្នាតខ្លីរបស់គាត់ពីររឿង៖ “កង់បី” និង “លាហើយភ្នំពេញ” ក៏នឹងបញ្ចាំងជូនទស្សនិកជនទស្សនាក្នុងឱកាសនោះផងដែរ។
១. កង់បី
ដឹកនាំដោយ នាង កាវិច ឆ្នាំ២០១៥ រយៈពេល២០នាទី ភាសាខ្មែរ មានអក្សរអង់គ្លេសរត់ពីក្រោម
ក្នុងរាត្រីស្ងប់ស្ងាត់មួយ អ្នកបើករ៉ឺម៉កកង់បីម្នាក់ឈ្មោះណាត បានជួបនារីម្នាក់ដែលបានធ្វើឱ្យគាត់នឹករឭកដល់រឿងរ៉ាវពីអតីតកាល។ ពេលគាត់ត្រឡប់មកផ្ទះវិញ គាត់ប្រាប់ប្រពន្ធថាគាត់ចង់រើផ្ទះ។ ការដឹងរឿងរ៉ាវនេះនឹងជួយឱ្យពួកគេនឹកដល់ការមិនបាននិយាយអំពីអាពាហ៍ពិពាហ៍របស់ខ្លួននៅក្នុងរបបខ្មែរក្រហម។
២. លាហើយភ្នំពេញ
ដឹកនាំដោយ នាង កាវិច ឆ្នាំ២០១៥ រយៈពេល១៥នាទី ភាសាខ្មែរ មានអក្សរអង់គ្លេសរត់ពីក្រោម
គូស្នេហ៍មួយគូបានចំណាយពេលនៅជាមួយគ្នាជាលើកចុងក្រោយនៅក្នុងសណ្ឋាគារមួយក្នុងទីក្រុងភ្នំពេញ គឺនៅមុនពេលដែលនារីជាគូស្នេហ៍ត្រូវត្រឡប់ទៅប្រទេសកំណើតខ្លួនវិញ។