មេគង្គ : ទន្លេមេ – Online
ផលិតដោយគណៈកម្មការទន្លេមេគង្គ ឆ្នាំ២០០០ រយៈពេល៤៧នាទី ភាសាអង់គ្លេស
នៅថ្ងៃទី៥ ខែមិថុនា ឆ្នាំ២០២១ ខាងមុខនេះ ដែលត្រូវជា “ទិវាបរិស្ថានពិភពលោក” មជ្ឈមណ្ឌលបុប្ផាណាមានកិត្តិយសសូមជូនកម្មវិធីបញ្ចាំងភាពយន្តតាមប្រព័ន្ធអនឡាញ (Online) ពិសេសមួយ ដើម្បីអបអរសាទរទិវាដ៏មានអត្ថន័យនេះ។
សង្ខេបរឿង៖ ភាពយន្តនេះជាផ្នែកមួយនៃយុទ្ធនាការរបស់គណៈកម្មការទន្លេមេគង្គ ក្នុងគោលបំណងបង្កើនការយល់ដឹងលើបញ្ហាទន្លេមេគង្គ និងគូសបញ្ជាក់ពីភាពចាំបាច់នៃកិច្ចសហប្រតិបត្តិការដ៏រឹងមាំមួយនៅក្នុងតំបន់ដើម្បីគ្រប់គ្រងធនធានធម្មជាតិដោយមានប្រសិទ្ធភាពសម្រាប់ប្រជាជនដែលរស់នៅក្នុងតំបន់អាងទន្លេមេគង្គនេះ។
សូមចូលរួមអបអរសាទរទិវាបរិស្ថានពិភពលោក ៥ មិថុនា ទាំងអស់គ្នា! និងសូមជួយចែករំលែកដំណឹងនេះទៅកាន់មិត្តភក្ដិរបស់អ្នកឱ្យបានដឹងផង!
ថ្ងៃសៅរ៍ ទី៥ ខែមិថុនា ឆ្នាំ២០២១ វេលាម៉ោង២រសៀល នៅលើទំព័រ Facebook (Bophana Center), YouTube channel (Bophana Center) និងគេហទំព័ររបស់មជ្ឈមណ្ឌលបុប្ផាណា។