របាំព្រះរាជទ្រព្យខ្មែរ – Online
ផលិតដោយបណ្ណសារដ្ឋានជាតិអាមេរិកាំង (NARA) ទសវត្សរ៍ឆ្នាំ១៩៦០ ៨០នាទី ភាសាខ្មែរ មានអក្សរអង់គ្លេសរត់ពីក្រោម
ផ្នែកទី១ បង្ហាញពីក្រុមរបាំដែលសម្ដែងពីរឿងរ៉ាវទាក់ទងនឹងដើមកំណើតអង្គរ រឿង ព្រះកេតុមាលា។ ផ្នែកទី២ បង្ហាញពីដំណើរទស្សនកិច្ចទៅកាន់សាលារបាំព្រះរាជទ្រព្យខ្មែរនៅព្រះបរមរាជវាំងនៃទីក្រុងភ្នំពេញ។ ឈុតជាច្រើនបង្ហាញពីការបង្ហាត់របាំដល់កុមារា កុមារី ការហាត់សម ការរចនាសម្លៀកបំពាក់ និងការធ្វើរបាំងមុខ។ ផ្នែកទី៣ បង្ហាញពីពិធីបញ្ចប់ការសិក្សារបស់នាដការួមមាន ការបង្ហាញខ្លួននាដកាជំនាន់ថ្មីថ្វាយព្រះមហាក្សត្រិយានី ស៊ីសុវត្ថិ កុសមៈ នារីរ័ត្ន ដែលជាព្រះប្រធានសាលា និងការសម្ដែងរបាំទោលដោយព្រះអង្គម្ចាស់ក្សត្រី បុប្ផាទេវី។
ថ្ងៃសៅរ៍ ទី១២ ខែមិថុនា ឆ្នាំ២០២១ វេលាម៉ោង៥ល្ងាច នៅលើទំព័រ Facebook (Bophana Center)។