ទី រ៉សាលី ​មានមុខរបរជាអ្នកនេសាទដែលចេះបន្តពីឪពុករបស់គាត់។ នៅជ្រោយចង្វារលើទន្លេមេគង្គ គាត់នេសាទដោយប្រើមង សំណាញ់ លបជាដើមជាលក្ខណៈគ្រួសារ។ កាលពី៥ឆ្នាំមុនគាត់រកបានត្រីច្រើនអាចផ្គត់ផ្គង់ជីវភាពគ្រួសារបានគ្រាន់បើ  តែប៉ុន្មានឆ្នាំចុងក្រោយនេះ គាត់រកមិនសូវបានទេ ត្រីហាក់មានសភាពខ្សត់ទៅៗ។ គាត់ថាមូលហេតុដែលត្រីថយចុះគឺដោយសារកំណើនប្រជាជនដែលនាំឱ្យតម្រូវការកាន់តែច្រើន នេសាទខុសច្បាប់ក៏កើនឡើង និងការធ្វើទំនប់វារីអគ្គិសនី។ ទៅថ្ងៃក្រោយ អាចជា៣ ទៅ៤ឆ្នាំទៀត បើនៅតែបន្តលក្ខណៈដូចសព្វថ្ងៃត្រីនឹងអស់ពីទន្លេ ហើយគាត់គ្មានរំពឹងអ្វីក្រៅពីឡើងពីកំពង់ទៅរកការងារស៊ីឈ្នួកគេដើម្បីជីវភាពគ្រួសារ។