វាយ​ថ្ម​កំដរ​ជីវិត

ដឹកនាំដោយ រឿន ណារិទ្ធ, ២០១៤, ៨នាទី, ភាសាខ្មែរ មានអក្សរអង់គ្លេសរត់ពីក្រោម

នា​ភាគ​ខាង​ត្បូង​នៃ​ប្រទេស​កម្ពុជា នៅ​ជើង​ភ្នំ​ដ៏​ធំ​មួយ ដី​ហុយ​ទ្រលោម ក្រោម​កម្ដៅ​ព្រះ​អាទិត្យ​ដ៏​ក្ដៅ​ហែង នួន​ព្យាយាម​វាយ​ដំ​ថ្ម​ជា​បំណែក​តូច​ៗ ដោយ​ប្តូរនឹង​ប្រាក់កម្រៃ ៣៥ សេន​ក្នុង​មួយបាវ។ កាលពីមុន គាត់​មាន​ដីស្រែ ប៉ុន្តែ​គាត់​បាន​លក់​វា​ដើម្បី​ព្យាបាល​ជំងឺ​គ្រុន​ចាញ់​របស់​ប្ដី​គាត់ តែជាអកុសល ស្រែ​ក៏​លក់ លុយ​ក៏​អស់ ប្ដី​ក៏​ស្លាប់។ គាត់​មាន​គម្រោង​ទៅ​ស្វែង​រក​ការងារ​នៅ​ទីក្រុង​ភ្នំពេញ ដោយ​ធ្វើ​ការ​ជា​ជាង​សំណង់ ឬ​ជា​អ្នក​លាង​ចាន ។ គាត់​ត្រូវ​ធ្វើ​អ្វី​គ្រប់​បែប​យ៉ាង​ដើម្បី​មាន​សង្ឃឹម។